Kanselier - NWU, Beheer en Bestuur

BEHEER EN BESTUUR
Ampsdraers

Kanselier

Die Kanselier ken alle grade namens die Noordwes-Universiteit (NWU) toe. Sy majesteit Kgosi Leruo Molotlegi, die tweede kanselier van die NWU, is in Junie 2009 vir 'n vyfjaartermyn deur die Raad aangestel, en weer in 2014 heraangestel.

Kgosi Leruo Thsekedi Molotlegi is sedert 2000 die leier van die Koninklike Bafokeng-volk, wat uit 150, 000 mense bestaan. Die hoofstad van die Bafokeng is Phokeng in die Noordwes. Hy is die 36ste koning van die Bafokeng en die 15de direkte afstammeling in 'n lang linie Bafokeng-konings.

Die monargie is 100 km noordwes van Pretoria geleë en beslaan sowat 1000 km2. Die grondgebied sluit ‘n gedeelte van die grootste platinumreserwe in die wêreld in. Onder die leierskap van Kgosi Molotlegi het die Koninklike Bafokeng se Opperraad die taak onderneem om ‘n maatskaplik, ekonomies, en omgewingsvolhoubare gemeenskap te skep, getrou aan hul Afrika-erfenis en -tradisies. Onderwys is ‘n belangrike kenmerk van die Bafokeng se ontwikkelingsplan. Sportafrigting en -ontwikkeling word bevorder deur ‘n ultramoderne stadion – die Royal Bafokeng-sportpaleis, en die Bafokeng-sportkampus – ‘n oefenfasiliteit vir hoë hoogtes (bo seevlak) en die sportakademie, wat tydens die 2010 FIFA-wêreldbeker as basis vir die Engelse sokkerspan gedien het.

Hy is 'n alumnus van Hilton Kollege in KwaZulu-Natal, Suid-Afrika, en het 'n graad in Argitektuur en Stadsbeplanning aan die Universiteit van Natal verwerf. Hy is 'n vastevlerk- en draaivlerkvliegtuigloods, en is 'n Erekolonel in die Suid-Afrikaanse Lugmag.

Verdere inligting is by www.bafokeng.com beskikbaar.