MyNWU

Jy het die potensiaal om jouself elke dag te oortref.

 

Uitnemendheid is nie iets wat net vir ʼn paar uitverkorenes beskore is nie. En dit is nie altyd die podium- of staande-ovasie-momente nie; elke dag het jy die geleentheid om jouself te oortref.

Uitnemendheid is vir die persoon wat na hom- of haarself kyk en vra: “Is ek wie ek wil wees? Is ek waar ek wil wees? Beweeg ek in die rigting waarheen ek wil gaan?” 

Dit is vir mense wat aanhou probeer wanneer dinge moeilik raak, en werk om oplossings te vind in plaas daarvan om in die probleem vas te staar. Dit is vir jou – wat probeer om al jou vorige pogings te oortref. Wat die potensiaal in jou raaksien en daagliks vir elke geleentheid opdaag om ʼn beter weergawe van jouself te wees: ʼn Beter jy as gister. 

By die Noordwes-Universiteit het jy die potensiaal om beter te wees. Hier verwerf jy meer as net ʼn graad; jy kry ook ʼn lewenservaring wat jou in staat te stel om jou verwagtinge te oortref en uit te styg.

Die gemiddelde NWU-graad neem tussen drie en vier jaar om te voltooi. Drie jaar = 1095 dae, vier jaar = 1 460 dae. Die NWU gee jou 1095 – 1 460 geleenthede om jouself te oortref.

Daag op vir elke geleentheid en laat ons sáám jou verwagtinge oortref.

 

 

My NWUDie groter as-teken >>>

 

Die groter as-teken wys dat jy moet aanhou om vorentoe te beweeg. Elke dag en elke oomblik het die kapasiteit vir groei en vordering. Om jou doel te bereik, verg nie altyd reusespronge nie; jy kan jou reis tree vir tree voltooi.

 

Volg ons Facebook Twitter Youtube Instagram LinkedIn