Ons Gee Om Beursfonds
Die getal akademies-verdienstelike maar finansieel-behoeftige studente het beduidend toegeneem as gevolg van die huidige ekonomiese uitdagings wat die land ervaar. Van hierdie studente word deur die NSFAS-skema gehelp. Ongeveer 34% van ons studente betaal kontant, terwyl ander uit die sogenaamde vermiste middelgroep kom. Laasgenoemde vind dit egter moeilik om hul studiegeld te dek. Verder is daar 'n uitgebreide behoefte aan befondsingsondersteuning aan studente wat vir nagraadse studies inskryf, aangesien die meeste beskikbare beurse op voorgraadse studie fokus.
Die NWU gee baie om vir sy studente en vra dus donasies van organisasies, alumni en vriende van die instelling om hierdie beursfonds na verdienstelike studente uit te brei. Hierdie beursfonds help om studiegeld, boeke, maaltye en verblyf te dek.
Finale jaar en uitstaande skuld
Die hartseer werklikheid is dat sommige van ons senior studente nie hulle kwalifikasies kan ontvang nie omdat daar uitstaande gelde of historiese skuld is. Een van die redes hiervoor is dat ouers of voogde hulle werk verloor en die studente nie meer finansieel kan help nie. Julle donasies sal help om die studente se uitstaande skuld en die studiegeld van hulle finale jaar te dek om hulle in staat te stel om hulle drome na te jaag.
Alistair Mokoena Education Fund
Gebrek aan toegang tot onderwys is 'n groot uitdaging in Afrika, en Suid-Afrika is geen uitsondering nie. Om armoede, honger en ongelykheid in ons samelewing te verminder, moet ons in hoë-gehalte onderwys belê. In 2023 het prof Alistair Mokoena die "Alistair Mokoena Education Fund" by NWU gestig om broodnodige fondse vir beurse vir beide voorgraadse en nagraadse studente te voorsien, asook om historiese studenteskuld aan te spreek. “Kom ons gee die gawe van opvoeding aan die jeug van ons nasie. Dit is die beste voorbereiding vir die wêreld wat op hulle wag” – Prof Alistair. Lees meer
Sosio-ekonomiese-impakprojekte
In reaksie op uitdagings wat ons samelewing ervaar, het die NWU verskeie projekte geïnisieer om ons gemeenskappe te bemagtig. Julle bydrae tot een of meer van die volgende projekte sal waardeer word:
1. Ikateleng-program
Die program bied aanvullende onderrig vir graad 10-, graad 11- en graad 12-leerders in vier provinsies (Gauteng, Noordwes, die Vrystaat en die Noord-Kaap), en fokus op die volgende vakke: Engels, Wiskunde, Fisiese Wetenskappe en Handel. Die doel is om leerders te help om ’n uitstekende slaagsyfer te behaal sodat hulle toegang kan kry tot universiteite en vir programme inskryf wat Wiskunde en Fisiese Wetenskappe vereis om die vaardigheidstekort wat ons land ervaar, te kan hanteer.
Om ’n donasie vir die projek te maak en vir meer inligting, kontak asseblief vir Celeste Rossouw.