ʼn Reis is veel meer as tydsverloop of beweging van één punt na ʼn volgende – dit is ʼn proses van verandering, van aanpassing, van ontwikkeling en van ʼn verskil-maak soos wat jy vorder op die pad wat jy vir jouself gekies het.

Oor die afgelope twee dekades het ons universiteit ʼn pad gestap wat gedefinieer word deur die strewe na grootsheid en uitnemendheid. Ons het voortdurend nuwe grense in onderrig-leer en navorsing en innovasie verken, ons toegewy aan betekenisvolle gemeenskapsbetrokkenheid en ons aanbod verfyn om by die behoeftes van ons studente en belanghebbers te pas.

Alhoewel twee dekades intussen verloop het, is ons reis nog lank nie verby nie. Die pad vorentoe is vol geleenthede en ons gaan voort in dieselfde gees wat ons tot dusver gedra het – die gees van innovasie, veerkragtigheid en onwrikbare toewyding om ʼn verskil te maak.

• Klik hier vir die 2024-verslag wat by die Departement van Hoër Onderwys en Opleiding ingedien is (slegs in Engels beskikbaar)