Moruti wa Mmatlisisi 

Mop Rudi van Eldik o amogelwa mo Aforikaborwa le kwa mafelong a mangwe ka patlisiso e a e dirileng mo serutweng sa Bokhemisi le go bontsha “mejiki” ya teng.

Ene o tsenelela ka tsepamo mo dithulaganyong tsa elusideišene ya ditirego tsa inorganiki le tsa bioinorganiki mme gape o batlisisa ditikologo tse dingwe go akaretsa le tiriso ya kgatelelo e e kwa godimo mo mekgweng ya thermodainemiki le kinetiki.

Ene o diragatsitse kutlwalo e kgolo mo baithuting ba gagwe ka a le monetetshi le motlhatlheledi wa khemeseteri mo Yunibesiting ya Potchefstroom ya Pele ya Thutogodimo ya Sekeresete mme gape le kwa diyunibesiting tse di mmalwa tse di etelelang pele kwa Jeremane.

Rudi o amogetse dikerii ya BSc le DSc go tswa mo Yunibesiting ya Potchefstroom ka 1966, 1968 le 1971 ka tatelano, mme a amogela le dikerii ya hibiliteišene go tswa kwa Yunibesiting ya Frankfort ka 1982.

Ene o amogetse didikerii tsa bongaka tsa tlotlo go tswa mo yunibesiting ya gagwe ya alma matere le go tswa kwa Yunibesiting ya Pretoria le go tswa kwa palong ya diyunibesiti tsa kwa moseja. Di akaretsa Yunibesiti ya Kragujevac kwa Serbia, Yunibesiti ya Jagiellonian kwa Poland le Yunibesiti ya Mmuso ya Ivanova ya Khemeseteri le Thekenoloji kwa Russia.

Temogo e nngwe gape e akaretsa Felo ya Tlotlo go tswa go Mokgatlho wa Bogosi jwa Aforikaborwa le gape Sefapaano sa Federale sa Meriti se se abelwang ke Moporesidente wa Federale wa Jeremane le gape kabelo ya Thulaganyo ya Inorganiki ya Mokgatlho wa Bogosi ya Khemeseteri kwa London.

O gatisitse palo ya diathikele tsa patlisiso tse di fetang 900 mme a bala le dipampiri di le katametso ya 530 mme a gatisa le dibuka di le 21.