Rangordening

Akademiese rangordening van die NWU

Die Noordwes-Universiteit (NWU) was nog altyd trots op sy prestasie in internasionale en nasionale rangordening. Hierdie rangordenings is goeie norme vir die vergelyking van die gehalte van onderwys by die Universiteit met dié van ander plaaslike en buitelandse universiteite.

 

2019: Center for World University Rankings (CWUR)

Die onlangs gepubliseerde rangordening deur die "Centre for World University Rankings" (CWUR) toon dat die Noordwes-Universiteit inderdaad besig is om opgang te maak.

Die NWU het bykans 100 plekke geklim, vanaf posisie 964 tot 869, wat beteken dat dit nou onder die top 4,8% van die meer as 18 000 geëvalueerde universiteite (wêreldwyd) is. Alhoewel die NWU steeds in die sewende plek is met betrekking tot CWUR se rangordening van Suid-Afrikaanse universiteite, is dit sonder twyfel die plaaslike universiteit wat sy posisie die meeste verbeter het.

Die Center for World University Rankings (CWUR) publiseer die enigste globale universiteitsrangordening wat die gehalte van onderwys en opleiding van studente sowel as die prestige van die fakulteitslede en die gehalte van hul navorsing meet. Anders as ander organisasies baseer CWUR nie sy ranglys op data wat ingedien word deur universiteite of wat ingesamel word deur opnames nie.  

Lees verder

Vir verdere inligting besoek die Center for World University Rankings

 

2019: Global Academic Ranking of World Universities

Die NWU spog ook met verskeie akademiese programme in die top 500, top 400 en top 100 in die wêreld, volgens die globale Academic Ranking of World Universities. Hierdie rangordestelsel bestaan uit meer as 1 600 universiteite in 83 lande. Die NWU se top programme is geografie, sielkunde, omgewingswetenskappe, wiskunde, politieke wetenskap, onderwys, ingenieurswese, toerisme en rekeningkunde.

Vir meer inligting besoek die globale Academic Ranking of World Universities

 

2019: Times Higher Education (THE) World University Rankings

Die NWU vaar konsekwent uitstekend in hierdie rangordening. Die Universiteit is in die vyfde plek in Suid-Afrika. Globaal is die NWU tussen nommer 501 en 600 uit die 1 396 deelnemende universiteite.

Lees verder

Die rangordeningsmaatskappy het die NWU in die 401+ groep geplaas uit 536 internasionale universiteite vir die kunste en geesteswetenskappe.

Lees verder

Vir verdere inligting besoek die Times Higher Education World University Rankings

 

2019: US News and World Reports’ 2020 Best Global Universities rankings

Die US News and World Reports' 2020 Best Global Universities rankings het die NWU onder die voorste sewe universiteite in Suid-Afrika geplaas. Die NWU het opgang gemaak vanaf die 708ste plek verlede jaar tot die 645ste plek vanjaar.

Vir verdere inligting besoek die US News and World Reports' 2020 Best Global Universities-rangordening