Tiro ya gagwe jaaka tlhogo ya bakhuduthamaga ya merero ya setšhaba kwa Anglo American e dira gore Yvonne a nne wa ntlha go nna le seabe mo baaging. Ka maiteko a gagwe, go ne ga tlhongwa Anglo Inyosi Coal Community Trust mme gape o okamela Letlole la Peeletso-Madi la Tlhabololo mo Baaging.

Yvonne o ne a wetsa dikirii ya BA ya Ditlhaeletsano kwa Yunibesiting ya Bophuthatswana ka 1992. O ne a tlhomiwa go nna tlhogo ya bakhuduthamaga ba merero ya setšhaba kwa Kumba Iron Ore ka 2011 morago ga go nna tlhogo ya merero ya setšhaba kwa kgwebong ya Anglo American’s Thermal Coal. Pele ga tiro eno, o ne a le mokaedimogolo wa ditlhaeletsano kwa Lefapheng la pele la Diminerale le Eneji dingwaga di le robongwe, koo a neng a le mmueledi wa ga tona gone.

O ne a simolola Thulaganyo ya Kimberley le Bosemphato jwa Meepo ya Aforika fa a ne a santse a le mo tirong eno mo Lefapheng la Diminerale le Eneji, le Bosemphato jwa Meepo ya Aforika, jo boikaelelo jwa jone e leng go fitlhelela mekgele ya Bosemphato jo bo Ntšha jwa Tlhabololo ya Aforika (New Partnership for Africa’s Development mo meepong.

O ne a akgolwa ka go newa awate ya setlhopha sa tsa tshomarelo sa Diawate tsa Capital Green tsa Nedbank tsa 2012 mme o ne a tsaya maemo a bobedi mo go sone setlhopha seo sa Diawate tsa Capital Green tsa Nedbank tsa 2013 tsa Diyuniti tsa Pholo tsa Batho Pele tse di Etelang Mafelo a a Farologaneng.