Skryf gerus en vertel ons waar in die wêreld julle jul bevind en hoe dit met jul loopbane gaan, of skryf sommer oor ditjies en datjies wat julle na aan die hart lê.

Stuur julle briewe na nelia.engelbrecht@nwu.ac.za, faks dit na 086 614 3222 of pos dit aan Nelia Engelbrecht, Institusionele Kantoor, Noordwes-Universiteit, Privaat Sak X1290, Potchefstroom, 2520.

ONS HOOR GRAAG VAN JULLE!

Beste mede-alumni

Ons laat dikwels die gekheid van hierdie ding wat ons “die lewe” noem ons daarvan weerhou om vir ’n minuut lank stil te staan en na te dink oor ’n oomblik wat iets beteken. Ek het onlangs gehoor dat ek aanvaar is om my meestersgraad aan die Universiteit van Londen by die Skool vir Oosterse en Afrikastudies te doen.

Ek het ook onlangs gehoor dat ek die Chevening-merietebeurs gekry het, wat hierdie nagraadse studies ’n finansiële werklikheid sal maak. Hoewel dit geen Nobelprys in ekonomie is nie, gebruik ek hierdie oomblik om erkenning te gee waar dit toekom. Niks hiervan sou moontlik gewees het sonder twee instellings, naamlik die Fakulteit Ekonomiese en Bestuurswetenskappe en die Debatsvereniging op die kampus in Potchefstroom nie.

As jong akademikus het ek baie vinnig geleer dat om iets te beteken, jy moet “publish or perish”. Hoewel ek die dryfveer van talle dosente verstaan om hulle tyd en energie aan hulle navorsing te bestee, kan ek getuig van die oorweldigende meerderheid dosente wie se strewe dit is om jongmense se denke te help vorm. As dit nie vir dr Carike Claassen was wat bewustelik gekies het om baie meer te doen as wat van ’n akademikus verwag word nie, sou ek nooit die ekonomie ontdek het nie, om nie eers te praat van studie daarin by een van die topuniversiteite in die wêreld nie.

Prof Derick Blaauw, prof Waldo Krugell, dr Anmar Pretorius en dr Alicia Fourie het ook vir my gewys wat dit beteken om meer te wil hê, om daarvoor te werk en om te verwag dat dinge môre beter sal wees as wat dit gister was.

Hoewel daar geen twyfel is dat die NWU talle gebiede het waar dit kan, en inderdaad sal, verbeter nie, is hierdie die woorde van ’n dankbare student. Ek was geseënd om gevorm en beïnvloed te kon word deur die mense wat deel vorm van hierdie universiteit. Aan diegene wat al vergeet het hoe die woord “dankie” klink – ek sê baie dankie. Ek eer julle dat julle meer gedoen het as wat julle ooit gevra is om te doen.

Vriendelike groete

Michelle Groenewald

(Brief effens verkort)