Masego, wat sedert Februarie 2017 ’n intern by die New Age-koerant is, was een van drie genomineerdes in hierdie kategorie. Dit volg op ʼn keuringsproses waar inskrywings aan ’n paneel onafhanklike kundiges oorhandig is om die verskillende kategorieë te beoordeel.

 

Die SATMA-toekennings wil die uiteenlopende kulture in Suid-Afrika vier en benewens om tradisionele musikante te vereer, ook aan tradisionele digters, komediante, joernaliste, dansgroepe en radioplatejoggies (DJ’s) erkenning gee.

 

“Vir so lank as wat ek kan onthou, is ek geboei deur mense en verskillende kulture, iets wat in talle areas van my werk na vore gekom het,” sê Masego.

 

’n Kind van Noordwes

 

Masego het in Gopane Village in Zeerust grootgeword en haar BA- en honneursgraad in kommunikasie op die kampus in Mahikeng verwerf. Sy is tydens haar studentejare genooi om ’n lid te word van die Golden Key International Honour Society wat aan akademiese uitnemendheid, leierskapsontwikkeling en gemeenskapsdiens erkenning gee.

 

Masego het ook as assistent in die kampus se departement Bemarking en Kommunikasie gewerk, waar sy vir die kampus se webwerf kopie geskryf het, en sy was ook deel van die winterskoolprogram vir 2015 en 2016.

 

Hoe dit alles begin het

 

Masego het as groentjie-joernalis by die The Album-studentekoerant begin werk. Sy het in 2014 by die redaksiespan aangesluit en was die adjunkredakteur van die koerant teen die tyd dat sy daar weg is.

 

Masego glo haar tyd by The Album was die begin van haar joernalistiekloopbaan. “My betrokkenheid daar het my geleer hoe om my foute in lesse te omskep, my druk in produktiwiteit en my vaardighede in sterk punte,” sê sy.

 

Die galafunksie vir die SATMA-toekennings is op 1 Oktober 2017 in Mahikeng gehou.