Ditirelo tsa Motlakase le tsa Eleketeroniki

Ditirelo tse Dikgolo

Malebana le didirisiwa tsa motlakase le tsa eleketeroniki, re tlamela ka:
 

Go dira kopo ya didirisiwa tse di ntšha

• Dikopo tsa go dirisa didirisiwa tse di ntšha tsa eleketeroniki di sekasekwa le go rebolwa ke EES.

• Dikopo tsa go dirisa didirisiwa tse di ntšha tsa motlakase gantsi di romelwa go PIP fa go na le tlhokego ya go fetola/tlhabolola ditirelo. EES e tsenya didirisiwa tse dinnye fela tsa motlakase.

•  Dikopo tsotlhe di tshwanetse go amogelwa semmuso pele gore dilo di tsamaye sentle mo YBB.

•  Ditshenyegelo tsotlhe tse di amanang le go dirwa ga diporojeke tse di amogetsweng senmuso di tshwanetse go duelwa ka botlalo ke modirakopo.
   

  Thulaganyo e e dirilweng ya go tlhabolola didirisiwa tse di leng teng
  EES e sikara maikarabelo ka botlalo a go rulaganya le go dira tekanyetsokabo ya go tlhabololwa ga
  •    dibuela-godimo tsa akatemi le
  •    go tlhabololwa ga didirisiwa tse dinnye tsa motlakase mo dikagong tsa khamphase le dipone

   

   

  Dipaakanyo tse di rulaganyeditsweng go dirwa

  EES e dira dipaakanyo tse di rulaganyeditsweng go dirwa tsa didirisiwa di le mmalwa go ya ka sekejule se se dirilweng                 

   

   

  Dipaakanyo tsa letsatsi le letsatsi
    

  EES e sikara boikarabelo jwa go baakanya didirisiwa tse di botlhokwa, tse di sa kgoneng go sutisiwa tsa motlakase le tsa eleketeroniki tse di direlwang tekanyetsokabo ngwaga le ngwaga.

   

            
   

  Ditirelo tsa botlhokwa-potlana
  Go tlamela ka dikarolwana tsa didirisiwa tsa motlakase

  
   
  EES e na le lefelo la polokelo la didirisiwa tsa rona e bile re itumelela go le tlhakanela le mafapha a mangwe. Re na le tirelo ya go rekwa ga dilo ka kheše mo dikhaontareng tsa mafapha a rona.

   

  Go Tlhamiwa ga Doboto tse di Tsamaisang Motlakase tse di Gabilweng Ditlhaka kgotsa di-Printed Circuit Boards (di-PCB)

   
  EES e dirisa didirisiwa tsa CAM tsa boleng jo bo kwa godimo go tlhama di-PCB go ya ka tlhamo e o e batlang. Re kgona go dira diboto tse di manegilweng mmetale ka fa matlhakoreng oomabedi, tse di nang le phatlha e e phunyeletsang mme di sena matshwao a go kopanngwa ga dimmetale. E diretswe segolobogolo go nna sampole ya tekeletso.

   

  Go tlamela ka ditirelo tse di botlhokwa kwa dikokoanong tsa semmuso

  
   
  EES e
  •    Nna e letetse go dira ditiro tse go ka diregang gore di tlhokwe mo dikokoanong tsa semmuso ka go somarela ditshenyegelo
  •    Tlamela ka makhubu a kgaso a didirisiwa tse di reediwa le a dibidio a e kgonang go tlamela ka one
  •    Tlamela ka didirisiwa dingwe tse di ka hiriwang tse re ka nnang le tsone nako le nako.

  
       Ikgolaganye le Rre Tinus Steenkamp (018 299 4113, tinus.steenkamp@nwu.ac.za) kgotsa

       Rre Ivan Taylor (018 299 4127, ivan.taylor@nwu.ac.za) pele fela thata ga nako.