Met ’n honneursgraad in kommunikasie en hope vorige ervaring in belanghebberverhoudinge, stuur hierdie alumna van die kampus in Potchefstroom die bootjie op rustige vaarwaters na geslaagde alumniverhoudings.

 

Tshepisho is glad nie onbekend met die Departement Belanghebberverhoudinge nie, aangesien sy voorheen as beampte vir belanghebberverhoudinge daar gewerk het.

 

Ons kweek ons eie talent

 

Tshepiso is ’n sprekende voorbeeld van hoe die NWU sy eie mense oplei, aangesien sy tussen 2012 en 2015 haar BA Kommunikasie-graad sowel as ’n honneursgraad in kommunikasiebestuur op die kampus in Potchefstroom voltooi het.

 

“Terwyl ek in 2015 met my honneursgraad besig was, was ek gelukkig om ’n internskap by die voormalige Institusionele Bevordering-departement te kry.”“Ek is in 2016 by dieselfde eenheid aangestel as die funksiekoördineerder, wat nou as ’n senior beampte vir belanghebberverhoudinge bekend staan,” sê Tshepiso.

 

Voeg waarde toe

 

Voor haar studies het sy reeds het die geleentheid gehad om in die kommunikasie-eenhede van organisasies in die privaat sowel as die openbare sektor te werk.

 

“Ek het as ’n bemarkings- en kommunikasie-konsultant vir Absa in ’n besigheidsondersteuningsfunksie gewerk, waar ek aan die sakebedrywighede in die privaat, besigheids- en handelsbankafdelings blootgestel is.

 

“As senior kommunikasiebeampte in die openbare sektor is my ervaring uitgebrei deurdat ek met groter en meer uiteenlopende groepe gewerk het, funksies georganiseer het en tyd in die plattelandse en boerderygemeenskappe deurgebring het. Dit het my begrip vir die verskillende soorte besigheidsdinamiek binne die landbou, grondhervorming en landelike ontwikkeling verbreed.”

 

Hierdie agtergrond sal handig te pas kom by die NWU. “Ek wil graag al hierdie ervaring gebruik om waarde tot hierdie wonderlike instelling toe te voeg,” sê sy.