X
Nuus
inhoud
Tydens die opedae vir voorgraadse studente kan jongmense en hul ouers ook belangrike inligting by departemente soos Beurse en Lenings en die Toelatingskantoor bekom.
Daarby kan hulle ʼn draai maak by die inligtingstalletjies met uitstallings oor die aktiwiteite van die onderskeie koshuise, kultuurverenigings en akademiese skole, sentrums en fakulteite.
Duisende voete laat die herfsblare op die kampuspaadjies ritsel. Opgewonde jong stemme gesels in verskillende Suid-Afrikaanse tale terwyl blink oë gretig die kampustuine en -geboue inneem.
Dit is opedag by die Noordwes-Universiteit – ʼn geleentheid vir voornemende studente en hul ouers om meer uit te vind oor die verskillende studierigtings, die toelatingsvereistes, finansies, studenteverblyf en die ondersteuningsdienste wat beskikbaar is om studente by te staan.
Behalwe opedae vir voorgraadse studente, is daar ook aparte opedae vir nagraadse studente.
Die opedae vir voornemende voorgraadse studente word elke jaar in Mei op al die NWU-kampusse gehou.
Hoewel die dag se program nie heeltemal dieselfde op die verskillende kampusse is nie, is daar gewoonlik op elke kampus 'n massavergadering waartydens die rektor ouers en studente verwelkom en hulle meer oor die NWU en die spesifieke kampus vertel. Daarna kan die besoekers inligtingsessies by die verskillende fakulteite bywoon en die huiskomitees en huisouers van die koshuise ontmoet.
Die opedae vir nagraadse studente word op dieselfde dag in Augustus dwarsoor die NWU gehou – hierdie jaar op 13 Augustus.
Weereens is elke kampus se program nie identies nie, maar indien jy 'n voornemende nagraadse student is, sal jy op die dag min of meer die volgende kan verwag:
Internasionale studente kan ook met ons internasionale kantoor gesels.
Of jy 'n ouer is met 'n voornemende student onder jou dak, of self 'n nagraadse student is, moenie die volgende opedag misloop nie. Ons groet jou graag met 'n vriendelike Goeiedag! Good day! of Dumelang!
Die NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto’s of nuusbrokkies.
Ons waardeer julle opinies en insette – die NWU & U behoort immers aan ons almal.
Klik
deel
<
>
Navigasie
volgende artikel
vorige artikel
klank
video
Meer inligting
Voorblad
Christian Rudman en Oamogetswe Seoto, lede van die vorige Verteenwoordigende Studenteraad van die Potchefstroomkampus is gereed om besoekers by te staan gedurende een van die NWU se voorgraadse opedae wat vroeër vanjaar gehou is. Lees meer oor ons opedae in die artikel: “Opedae maak nuwe deure oop”.
Voorblad
Christian Rudman en Oamogetswe Seoto, lede van die vorige Verteen-woordigende Studenteraad van die Potchefstroomkampus is gereed om besoekers by te staan gedurende een van die NWU se voorgraadse opedae wat vroeër vanjaar gehou is. Lees meer oor ons opedae in die artikel: “Opedae maak nuwe deure oop”.
X
inhoud
inhoud
NWU & U