Indien jy mede-alumni ken wat in hul beroepe uitblink of hul stempel op die samelewing afdruk, moet jy hulle vir die 2017 NWU Alumnitoekennings vir Uitnemendheid benoem.

 

Deur dit te doen sal jy hulle die geleentheid gee om die waardering te ontvang wat hulle verdien en meebring dat hul alma mater hulle op 
6 Oktober 2017 tydens ’n glansgeleentheid in die openbaar vereer.

 

Jy het tot 8 Mei die geleentheid om kandidate vir die volgende toekennings te benoem:

 

• NWU Alumnitoekennings vir Uitnemendheid (kategorieë: Navorsing, Onderwys, Gemeenskapsbetrokkenheid, Sakeleierskap, Kuns en Kultuur, Sport, Openbare Diens)

 

• NWU Jong Alumnustoekenning (Vir hierdie toekenning kan ’n alumnus wat 35 jaar of jonger is vir enige van bogenoemde kategorieë genomineer word.)

 

Neem asseblief kennis dat huidige lede van die NWU Raad, die uitvoerende komitee van die Konvokasie, en lede van die institusionele bestuur nie vir die toekennings benoem mag word nie.

 

Klik gerus hier vir die elektroniese nominasievorm en om meer oor die toekennings te lees. As jy dink jy staan self ’n kans om ’n Alumnitoekenning los te slaan, kan jy iemand anders vra om jou te nomineer.

 

Moet dus nie huiwer om aan die nominasieproses deel te neem nie – ons maak op jou deelname staat vir die sukses van die toekennings.