Beste mede-alumni,

 

My naam is Yvonne Kgwarae en ek is ’n trotse gegradueerde van die NWU se kampus in Mahikeng – BA Sosiale Wetenskappe met sielkunde as hoofvak.

 

Ek het my studies as ’n jong, oorywerige meisie begin en dit voltooi as ’n afgeronde jong dame, reg vir die professionele wêreld.

 

Durf die wêreld aan

 

Gewapen met my graad en ervaring van die universiteit (kyk na die tekskassie in die linkerkolom), is ek terug Botswana toe, waar ek ’n pos by Populations Services International gekry het.

 

My loopbaan het in sosiale en gedragsveranderingkommunikasie begin. Daarna het ek vir verskeie NRO's in Botswana gewerk voordat ek by die Johns Hopkins Universiteit se Sentrum vir Kommunikasieprogramme aangesluit het.

 

Ek werk tans by die sentrum, waar ek toesig hou oor verskeie bedrywighede en verskillende gesondheidskommunikasieveldtogte ontwikkel en lei.

 

Behou die bande

 

Ek hou kontak met die universiteit deur die alumni in Botswana te koördineer.

 

Dis om seker te maak ons is almal in kontak en op hoogte van die verskillende gebeurtenisse en veranderinge by die universiteit. Dit sluit die koördinasie van verskillende liefdadigheidsinisiatiewe en die bevordering van die universiteit se handelsnaam in.

 

Ek is bevoorreg om ’n stewige grondslag by die Noordwes-Universiteit te kon kry en dit het my die formidabele vrou gemaak wat ek vandag is.

 

Groete,

 

Yvonne Kgwarae

#NWUAlumni