By die jongste alumnibyeenkoms wat op 17 Mei 2019 by die Grand Palm Hotel gehou is, het prof Marilyn Setlalentoa, adjunk-visekanselier vir gemeenskapsbetrokkenheid en vir kampusbedrywighede in Mahikeng, die NWU verteenwoordig.

 

In haar toespraak het Marilyn gepraat oor die vordering wat gemaak is sedert die implementering van die nuwe NWU-strategie en oor die jongste ontwikkelings by die universiteit. Sy het ook die alumni aangemoedig om by die NWU-konvokasie aan te sluit.

 

“Dit sal meebring dat julle help om die universiteit te bevorder en deur verteenwoordiging op die NWU Raad die universiteit aktief beïnvloed,” sê sy.

 

Die voorsitter van die Botswana-alumni-afdeling, Yvonne Kgwarae, het ook die alumni gevra om aan die aktiwiteite van hul alma mater deel te neem.

 

“Ek beskou myself as baie bevoorreg omdat ek ’n stewige grondslag by die NWU gekry het,” sê Yvonne. “Die universiteit sal altyd ’n spesiale plek in my hart hê. Laat ons as alumni dus begin om iets in ons instelling terug te ploeg.”