Teen hierdie tyd het jy waarskynlik al e-posse en sms'e van die institusionele alumnikantoor ontvang wat vra dat julle voor 7 Junie verdienstelike kandidate vir die toekennings moet benoem. Indien jy nog nie so ver gekom het nie – daar is nog net een week oor!

Kandidate kan vir die volgende toekennings benoem word:

• NWU Alumni-toekennings van Uitnemendheid (kategorieë: Navorsing, Onderwys, Gemeenskapsbetrokkenheid, Sakeleierskap, Kuns en Kultuur, Sport, Openbare Diens)
  
  
• NWU Jong Alumnus-toekenning

Neem asseblief kennis dat huidige lede van die NWU Raad, die uitvoerende komitee van die Konvokasie, en lede van die institusionele bestuur nie vir die toekennings benoem mag word nie.

Klik gerus hier om meer oor elk van die toekennings te lees en toegang tot die elektroniese benoemingsvorm te bekom. Indien jy voel dat jy self 'n goeie kans staan om 'n Alumni-toekenning los te slaan, mag jy iemand anders vra om jou te nomineer.

Moet dus nie huiwer om aan die nominasieproses deel te neem nie – die tyd raak min.