a ngoka baithuti mogopolo
MAETOTHUTO MO MAFARATLHATLHENG
Tlwaelesego e ntšhwa ka nako ya leroborobo la Covid-19 e dirile gore dilo di dirwe ka mokgwa o sele.
Mop Neal Petersen le Mop Josef de Beer mo “phaposing e tala” ya setudio, ba bua ka tlhamalalo le baithuti ka nako ya maetothuto mo mafaratlhatlheng.
Rarabolola mathata
Dikao tsa mo bophelong
Dikakanyo tsa poposešwa
Baithuti ba ba ithutelang tiro ya go ruta
Josef a re Legoro la Thuto le dirile maetothuto a lone gore a amane le bothata jo baithuti ba neng ba tshwanelwa ke go bo rarabolola.
Batlhatlheledi ba ne ba bontsha baithuti tayari ya bidio ya mogokgo wa sekolo yo o sa tswang go tlhomiwa wa sekolo se se ikakanyeditsweng se go ka tweng se ne se sa dire sentle, ka gonne se ne se na le mathata a le mantsi. Baithuti ba ne ba tshwanelwa ke go jela mathata ano marapo a tlhogo.
Ka tsela eno, ba ne ba bona ka fa porofešene ya go ruta e raraaneng ka gone, ba ne ba ikatisetsa go ithuta ka go ikaela, le go itlhamela mekgele ya bone ya go ithuta gore ba tlhabolole dikgono tsa bone tsa seporofešenale.
Josef a re 85% yotlhe ya baithuti ba ba tsereng karolo ba ne ba naya maetothuto ano maduo a a fa gare ga 8 le 10 mo sekaleng sa 1 go ya go 10 (se mo go sone “10” e leng maemo a a kwa godimo).
Baithuti ba pholo ba itlhamela “Mogaka wa Pholo” wa bone
Loetothuto lwa mo mafaratlhatlheng lwa Legoro la tsa Molao le ne le neilwe setlhogo se se buang ka tshiamiso mo loagong le ka batho ba ditso tse di farologaneng.
Go ya ka Mmueledi René Koraan, yo e leng mongwe wa barulaganyi, ba ne ba kgona go dira lenaneothuto le le kgatlhang thata la tshedimosetsano la baithuti. Kwa tshimologong, lenaneo leo le ne la ba tsenya mo gare ga tiragalo e e neng e direga ka tlhamalalo mme ba tshwanelwa ke go ithuta ka go ikaela.”
René a re baithuti ba ne ba dira ka ditlhopha mme ba ne ba kgona go buisana le batlhatlheledi mo mananeong a ba neng ba kgona go buisana ka tlhamalalo mo go one a dipotso le dikarabo.
“Ke akanya gore re fitlheletse mongwe wa mekgele e e botlhokwa ya maetothuto mo mafaratlhatlheng – go tlhama lefelo le baithuti ba kgonang go ithuta sentle mo go lone, go dirisana mmogo le go tlhomelelwa ka kitso.”
Mo ditlhatlhelelong tsa tshedimosetsano tsa Legoro la tsa Molao, baithuti ba ne ba dirisana mmogo mme ba ithuta ka didirisiwa tsa tshedimosetsano mmogo le ka go tsaya karolo mo ditiragalong tse di neng di direga ka tlhamalalo.
Baithuti ba tsa Molao ba ne ba ithuta ka Mofuta wa Konokono wa Dikgono Tse Motho a Nang le Tsone, gareng ga tse dingwe.
Baithuti ba pholo ba itlhamela “Mogaka wa Pholo” wa bone
Baithuti go tswa mo Legorong la Disaense tsa Pholo ba ka nna ba akanya ka dipharologano, mekgwa-tiro le boitshwaro jwa baporofešenale ba pholo mo Aforikaborwa ba ba nang le maikarabelo.
Rhea Koch, motlhami wa ditaelo, a re ba dirisitse polatefomo mo mafaratlhatlheng e e bidiwang Thinglink go tlhama maemo a a farologaneng a pholo le baporofešenale ba tsa kalafi ba ba dirisanang mmogo le go dirisana le balwetse.
Mongwe le mongwe wa baithuti ba ngwaga wa ntlha o ne a tshwanelwa ke go rarabolola mathata a a latelang mo mafaratlhatlheng a le nosi. Ba ne ba dira ditiro tseno ba le setlhopha sa baithuti ba diporofeshene tse di farologaneng tsa pholo ka go tlhama Mogaka wa Pholo wa bone le go mmontsha ba bangwe botlhe go ya ka ditshwaelo tsa maloko otlhe a setlhopha.
Baithuti go tswa mo Legorong la Pholo ba dira tiro ya bone ya go tlhama mme ba itirela boto ya kgang ka mogaka wa bone.
x
Tobetsa fano go buisa athikele eno yotlhe.
Tobetsa mo dikhutlong tse di mo tlase go buisa go feta ka ditirwana tsa Legoro
Mo maetong a ntlha a a dirwang gotlhelele ka mafaratlhatlha, baithuti ba le 2 500 ba ngwaga wa ntlha ba BEd ba Legoro la Thuto ba nnile le tšhono ya go dirisana mmogo le go tlhabolola dikgono tsa bone tsa tiro go ya pele gore ba nne batlhatlheledi ba ba mosola ka go tsaya karolo mo go lengwe la maetothuto a le 13 a a direlwang mo mafaratlhatlheng, ao lengwe le lengwe la one le tsayang malatsi a le mabedi.
Legoro la Disaense tsa Pholo le Legoro la tsa Molao le one a ne a simolola porojeke ya one ya tekeletso mo ngwageng ono, e mo go yone baithuti ba ngwaga wa ntlha ba le 300 go tswa mo go lengwe le lengwe la magoro ano ba neng ba tsaya karolo mo maetothutong a a direlwang mo mafaratlhatlheng.
Maetothuto mo mafaratlhatlheng a ne a dirwa go simolola ka di 16 Phatwe go fitlha ka di 28 Lwetse mme, go ya ka mongwe wa barulaganyi ba one, Mop Josef de Beer, a neng a atlegile fela thata.
“Ke dumela gore re atlegile fela thata mo go direng thulaganyo ya go ithuta ka go ikaela ka go dirisa mokgwa wa go ithuta mo mafaratlhatlheng le melaometheo ya tirisanommogo le ya go ithuta ka go rarabolola mathata,” go bolela jalo Josef, e leng moporofesa wa patlisiso mo Yuniting ya patlisiso ya Lefelo la Go Ithuta ka go Ikaela (Self-Directed Learning [SDL]) mo Legorong la Thuto.
Leba fela mokgwa o o sa tlwaelegang o YBB e o dirisang malebana le maetothuto a yone a a tumileng. Go tlhomamisa gore baithuti ga ba foswe ke sepe sa dilo tseno ka ntlha ya dithibelo tsa Covid-19, yunibesiti e tseisa baithuti maeto mo mafaratlhatlheng.
