Het jy geweet die NWU se Konvokasie bestaan uit voormalige NWU-studente (alumni) EN alle huidige lede van die universiteit se permanente personeel?

 

Met ander woorde, as jy ’n permanente personeellid is, kan jy ’n lid van die Konvokasie word, selfs as is jy nie ’n NWU-alumnus nie.

 

Wat meer is: as ’n lid van die Konvokasie het jy die reg om benoem te word om die Konvokasie op die NWU-Raad te verteenwoordig. Jy kan ook ander Konvokasie-lede benoem en vir hulle stem.

 

Dit is ook baie maklik om ’n lid van die Konvokasie te word: voltooi net ’n aansoekvorm vir lidmaatskap en betaal die eenmalige nominale bedrag van R50, soos dit op die aansoekvorm verduidelik word.

 

Die doel van die Konvokasie is om die welstand van die universiteit te bevorder deur sy beeld, tradisies en belange te beskerm, en om as brug tussen die lede van die Konvokasie en ons universiteit te dien.

 

Komaan: sluit vandag by die Konvokasie aan en laat jou stem op die NWU-Raad hoor.