Go gola ga bokebekwa go batla gore o nne o
Kwa YBB, tshireletsego ya baithuti le ya badiri, mo khamphaseng kgotsa kwa ntle ga yone, e botlhokwa thata mo go rona.
Ke gone ka moo re ileng ra tshwara kopano mo mafaratlhatlheng ya Kopano ya Tshireletsego le Baagi ka di 10 le di 11 tsa Seetebosigo 2021.
Kantoro ya motlatsa-mokanseliri, kantoro ya Botshelo jwa Baithuti le ya Ditirelo tsa Tshireletso e ne ya rulaganya kopano eno ya go godisa kitso ka tshireletsego le go tlhomelela baeteledipele ba baithuti le batlhokomedi ba barutwana go rarabolola mathata a tsa tshireletsego.
Bana-le-seabe ba le bantsi ba ne ba tsaya karolo, ba ba jaaka ba Ditirelo tsa Sepodisi sa Aforikaborwa, Ba Ditirelo tsa Patlisiso ka Bokebekwa le setlamo sa poraefete sa tshireletso kwa Potchefstroom sa Mooirivier Beskerming.
Ba Lefapha la Ditirelo tsa Tshireletso le bone ba ne ba tsaya karolo ka gonne ba na le seabe se se botlhokwa thata sa go baya maemo leitlho le go dira dipatlisiso ka mathata a a amang tshireletsego kgotsa bokebekwa mo khamphaseng.
Barulaganyi ba kopano eno, setlhopha sa Botshelo jwa Baithuti se se neng se eteletswe pele ke Ngaka Corrie Rheeder, ba re kopano eno e thusitse bana-le-seabe ba rona mo teng ga setheo le ka kwa ntle ga setheo go itsane le go dirisana mmogo. Gape ba bontshitse ka fa go leng motlhofo ka gone go dira bokebekwa ka gonne dikebekwa di tsena jaaka baagi fela ba ba tlwaelegileng.
Fa maloko a Komiti ya lefelobonno le maloko otlhe a YBB a itse seno, go ka se nne motlhofo gore ba tshoganyediwe ke dikebekwa tse di batlang go ba gobatsa.
Go botlhokwa go gopola gore boikarabelo jwa mongwe le mongwe ke go boloka khamphase e sireletsegile e bile ke tshwanelo ya mongwe le mongwe wa rona go dira jalo. Fa re le mmogo, re nna re sireletsegile e bile re nonofile.
Tobetsa fano go bona dintlha tsa go ikgolaganya le lefapha le le nayang baithuti kgakololo le kgodiso ya bokgoni jwa bone jwa tiro.
Ngaka Corrie Rheeder e ne e le moeteledipele wa setlhopha sa Bophelo jwa Moithuti ba ba thusitseng go rulaganya kopano ya pabalesego.
Baithuti ba nna ba ebela go dikologa khamphase le mafelo a a gaufi le yone ka dinako tsotlhe tsa letsatsi le bosigo – bangwe ba ya le go boa kwa dibareng, kwa diresetšhurenteng le kwa mabenkeleng, ba sa akanye gore go dira jalo go ka nna kotsi thata.
TSHIRELETSEGO
YBB e eteletsa
Go re tlhaba botlhale ka letsholotemoso la tsietso mo mafaratlhatlheng
Tsela ya go nna o sireletsegile
Melawana e le 5 ya tshireletsego fa o dirisa di ATM
O se ka wa romela diimeile tse di nang le tshedimosetso ya poraefete jaaka nomore ya karata kgotsa letlha la go felelwa ga yone ke nako.
Fetola khunololamoraba ya gago nako le nako.
Tsenya thibedi ya di spam mo khomphiutheng ya gago – mamenemene gantsi a leka go bona dintlha tsa gago tsa karata ya keretiti ka diimeile tse e seng tsa boammaaruri.
Le ka motlha o se ka wa letla diwebosaete dipe kgotsa berekisa bangwe go nna le dintlha tsa gago tsa poraefete le tsa banka.
Se senolele ope tshedimosetso ya gago ya poraefete e e jaaka khunololamoraba le dinomoro tsa pin e bile o se ka wa di boloka mo khomphiutheng ya gago.
Se dirise di internet cafe, kgotsa mafaratlhatlha a a sa sireletsegang fa o dirisa banka e bile le ka motlha o se ka wa tlogela khomphiutha kgotsa lepothopo ya gago go se yo o ntseng fa go yone.
Kopa banka go go romelela ditatamente ka imeile fela mme o tswale diakhaonto tse o sa di diriseng.
Gopola gore banka e ka se go kope go netefatsa tshedimosetso ya gago ya khupamarama mo mogaleng.
Boloka ditokomane tsa gago tsa poraefete le tsa ditšhelete ka pabalesego mme fa o batla go senya dikhopi tse di porintilweng, di kgabetlelele kgotsa o di fise.
Dirisa diwebosaete tse di ikanngwang fela fa o di dirisetsa go reka.
Mo Kopanong ya Tshireletsego le Baagi, Daya Moodley, mankge wa diforensiki wa South African Banking Risk Information Centre, o ne a re tlhaba botlhale jwa go lemoga tsietso. Re tsentse maele a mangwe gape a a mosola a a tla go tlhabang botlhale.
Go re tlhaba botlhale ka
GO RE TLHABA BOTLHALE KA LETSHOLOTEMOSO LA TSIETSO MO MAFARATLHATLHENG
Tsela ya go nna o
SIRELETSEGILE
Gongwe le gongwe kwa o leng teng, nna o akantse ka tshireletsego ka go dirisa maele ano a ka kakaretso:
Se tswe o le nosi bosigo mme fa o tlhoka go tswa, tsamaya mo mafelong a a bonesitsweng sentle mme o se tsamaye mo mafelong a a didimetseng. Gape akanyetsa go tsamaya o tshotse seporei sa pepere.
Fa o taboga kgotsa o tshematshema, dira jalo mo mafelong a o a itseng sentle.
Tila mafelo a a nang le ditlhatshana ka gonne batho ba kgona go iphitlha motlhofo mo go tsone.
O se ka wa kgweetsa o itshietse. Go nwa thata go fokotsa kgono ya gago ya go dira ditshwetso tse di siameng mme go ka dira gore o nne botlhaswa.
Nna o ntshitse matlho dinameng go ela tlhoko tikologong ya gago le batho ba ba mo go yone. Se letle thekenoloji jaaka dihetefouno kgotsa di earphone go go itaya tsebe gore o se bone se se diregang mo tikologong e o leng mo go yon
Fa o dule, se tlogele senȏ sa gagwe go se ope fa go sone.
Ka metlha bolelela mongwe gore o ya kae le gore o solofetse go boa ka nako mang.
Nna kelotlhoko fa o dirisa matlwana kgotsa ditepisi tsa mafelo a a kwa thoko.
Melawana e le 5 ya tshireletsego fa o dirisa di
ATM
- Leka go dirisa di ATM motshegare, mme fa o tshwanelwa ke go di dirisa bosigo, kopa mongwe go tsamaya le wena mme o tlhophe di ATM tse di bonesitsweng sentle.
- Latelela ditaelo tsa ATM mo sekerining ka kelotlhoko.
- Ela tlhoko batho ba ba ebelang gaufi le di ATM - nna o etse tikologo e o leng mo go yone tlhoko.
- Se pateletse karata ya gago go tsena mo lehuting la ATM fa e sa tsene lekgetlo la ntlha, ka gonne mongwe a ka tswa a ile a tshwenyatshwenyana le lone.
- Fa ATM e komeditse karata ya gago, o se ka wa tswa fa go yone pele o khansela karata ya gago.
Dintlha tsa Pabalesego
Go botlhokwa go gopola gore khamphase ya pabalesego ke boikarabelo jwa mongwe le mongwe
mme e tswela mongwe le mongwe mosola. Mmogo re na le pabalesego mme re na le maatla.
ya badiri le ya baithuti kwa pele
Khamphase ya Mahikeng
Go aga B6/ Kago ya Tikatikwe ya Tlhokomelo ya Pholo
018 389 2592 / 017 629 2407
Ditirelo tsa Tshireletso: 018 389 2277/ 018 389 2167
Khampase ya Potchefstroom
11 Hoffmann Street, Building F18 – 018 299 2933
Thuso: 19 Jooste Street, Building E14 – 018 299 1777
Ditirelo tsa Tshireletso: 018 299 2211
Khamphase ya Vanderbijlpark
Moago 13, Boalo jwa bo 3, Office 331
016 910 3195/ 082 815 9781
Ditirelo tsa Tshireletso: 016 910 3339
Gantsi dikebekwa di itlhagisa jaaka baagi fela ba ba tlwaelegileng, ba ba sa tshosetseng ope, mme seno se dira gore badiri mmogo le baithuti ba rona ba se nne kelotlhoko ba bo ba diragalelwa ke ditiro tse di farologaneng tsa bokebekwa le tsietso, mo mebileng kgotsa mo inthaneteng.
Tobetsa ditalama go buisa go feta.