eish1_afr_focuson

Hoe Welstand jou kan help

Wanneer die lewe jou stief behandel – tuis of by die werk – is NWU Welstand daar om jou met sy werknemerwelstandsprogram te ondersteun.

eish! het die senior gesondheid- en welstandspesialis Bonita Maboeta gevra om ons meer te vertel oor die professionele ondersteuning wat beskikbaar is.

V: Wie is die maatskappy agter hierdie ondersteuningsprogram?

A: Die maatskappy Life Employee Health Solutions (Life EHS) is die dryfkrag agter ons program.

V: Watter soort hulp is beskikbaar?

A: Professionele advies en ondersteuning is in drie hoofkategorieë beskikbaar:

Psigososiale en gesondheidsake
Finansies
Regskwessies

(Klik op die oranje reghoeke heel bo vir meer inligting oor die spesifieke dienste wat verskaf word.)

V: Wat maak hierdie program spesiaal?

A: Dit is gratis, heeltemal vertroulik, en wanneer jy in ’n krisis verkeer, kan jy dag of nag, sewe dae per week, die Sorgsentrum bel en in jou voorkeurtaal gehelp word. Die tolvrye nommer (gratis as jy vanaf ’n landlyn bel) is 0800 213 149.

Jy kan ook verseker wees dat alle konsultante en raadgewers die geskikte kwalifikasies en ervaring het, en waar nodig, toepaslik by hul statutêre rade gelisensieer en geregistreer is.

Wat meer is, die bystand is ook vir jou afhanklikes beskikbaar.

V: Hoe maak ek van hierdie diens gebruik?

A: Jy kan enigeen van die volgende metodes gebruik:

In ’n krisis kan jy die 24-uur-tolvrye nommer (0800 213 149) skakel.
In ander gevalle, SMS enige tyd jou naam (teen R1,50 per SMS) na 31581, en die Sorgsentrum sal jou terugskakel.
Jy kan ook ’n e-pos aan NWU@lifehealthcare.co.za stuur om deur middel van e-pos berading te ontvang.
Nog ’n handige aanlyn hulpmiddel is ’n app wat jy op jou selfoon kan aflaai om ’n afspraak te reël. (Gaan na die Google Play Store of die Apple Store, soek Life EHS en volg die aanwysings.)

V: Wat gebeur as ’n psigososiale probleem nie oor die foon opgelos kan word nie?

A: ’n Berader sal jou kontak om by ’n terapeut in jou tuisdorp ’n afspraak vir ’n een-tot-een-sessie te maak. Dit is ook vir jou afhanklikes beskikbaar. Jou kind kan byvoorbeeld ’n terapeut spreek in die dorp of stad waar hulle woon.

V: Gaan julle vir my werkgewer sê ek het raad of berading gevra?

A: Beslis nie. Die gebruik van ons program sal nie jou werksekuriteit of geleentheid vir bevordering in gedrang bring nie. Al ons konsultante volg ’n streng etiekkode om die identiteit te beskerm van elke persoon wat die diens gebruik.

V: Het jy vir ons ’n laaste opmerking?

A: Ons moes al almal op een of ander stadium in ons lewens moeilike persoonlike of werkverwante kwessies hanteer. Voordat jy jouself in ’n onhanteerbare situasie bevind, soek professionele ondersteuning. Ons is hier vir jou.

PSIGOSOSIALE PROBLEME

FINANSIES

REGSKWESSIES

ANDER NUTTIGE FEITE

Psigososiale probleme

Dié program bied gespesialiseerde ondersteuning aan personeellede en hul families wat moontlik die volgende situasies ervaar:

Emosionele en persoonlike probleme
Familie- en verhoudingskwessies
Alkohol-, dwelm- en dobbelmisbruik
Stres en lewensveranderinge
Loopbaansake
Geslagsgebaseerde geweld
Geweld en trauma
MIV/Vigs
Algemene gesondheidskwessies
Sterfgevalle en verlies
Werkverwante sake

Finansies

Leiding en ondersteuning oor die volgende is beskikbaar:

Skuldberading
Die bestuur van skuld
Begrotings
Plasing op ’n swartlys
Aftreebeplanning
Lenings
Beleggings

Regskwessies

Professionele regsondersteuningsdienste word telefonies aangebied wanneer jy met regsprosedures soos die volgende te doen kry:

Aanmaningsbriewe
Uitstaande betalings
Egskeiding
Sake rakende toesig
Kwessies oor klein eise
Siviele sake
Ander regsake

Hierdie diens kan ook sekere regskontrakte vir jou opstel, soos:

Jou testament
Volmag
Residensiële huurkontrak
Verkoop van items soos ’n motorvoertuig

Ander nuttige feite

Daar is geen beperking op die aantal telefoonoproepe vir telefoniese berading nie.
Wanneer jy met ’n spesifieke probleem te doen kry, kan jy tot agt een-tot-een-sessies kry, wat binne drie maande gebruik moet word. Wanneer jy berading vir ’n ander probleem nodig het, is nog ’n rondte van agt sessies beskikbaar.
Maak seker dat jou afhanklikes die 24-uur-nommer en jou personeelnommer het in geval hulle hulp nodig het. Hierdie diens sluit selfs ander mense in wat by jou huishouding betrokke is. Sou daar byvoorbeeld ’n inbraak by jou huis wees, kan jou kind se versorger of jou huis-/tuinwerker ook hulp vra om die trauma te hanteer.
Die tolvrye nommer is spesifiek aan die NWU toegewys. Wanneer operateurs oproepe vanaf hierdie nommer ontvang, sal hulle weet jy is van die universiteit.
Die regs- en finansiële dienste is daar om ondersteuning of advies te gee. Jy sal byvoorbeeld advies oor finansiële of regsake kry, maar jy sal nie ’n lening of verteenwoordiging in ’n hof ontvang nie.
Die dienste is heeltemal vrywillig. Jou bestuurder kan jou slegs aanmoedig om daarvan gebruik te maak, maar kan jou nie dwing om dit te doen nie.
Daar is ’n Welstand-poort beskikbaar waar jy verskeie artikels oor gesondheid en welstand kan lees. Dit is deur professionele persone geskryf en word dikwels bygewerk.
Deur op hierdie webwerf te registreer, kan jy jou eie gesondheids- en welstandsprofiel bou en bywerk deur die inligting te gebruik wat jy van gesondheids- en welstandsiftingsessies tydens die NWU se Welstandsdae kry.