NUUs
INHOUD
Die universiteit het omtrént die rooi tapyt uitgerol tydens die verwelkoming van die 2019-eerstejaars en het sommer ook vir hulle goeie raad gegee oor hoe hulle hul universiteitservaring behoorlik kan benut.
Dit sluit inligting in oor die energieke studentelewe, buitemuurse aktiwiteite, en ook dat studente bewus moet wees dat die NWU nie “taalchauvinisme” en ontwrigtende gedrag sal toelaat nie.
“Aangesien ons verbind is tot julle kinders se veiligheid, duld ons geen onbehoorlike gedrag nie,” het prof Dan Kgwadi, die visekanselier, vir die ouers gesê wat die onlangse verwelkomingsgeleenthede vir eerstejaars bygewoon het.
“Indien ’n student die reëls van die universiteit oortree, sal die nodige stappe ingevolge die universiteit se beleide en reëls gedoen word. Die NWU is ’n gemeenskap van beskaafde, vredeliewende en intelligente mense wat met mekaar kan saamwerk en in gesprek kan tree sonder om geweld te gebruik.”
Dink voordat jy praat
Prof Dan het ’n beroep op ouers en studente gedoen om in ag te neem dat die NWU nie ’n homogene taalinstelling is nie, maar een wat diversiteit en funksionele meertaligheid aanvaar. Hy het beklemtoon dat die universiteit geen plek het vir taalchauviniste nie – met ander woorde mense wat taal gebruik om ander uit te sluit.
Wat ’n onvergeetlike dag
Studenteleiers het ook hul deel tot die gebeurtenis bygedra en vir studente wenke gegee oor hoe om die beste uit hul tyd by die universiteit te haal.
Dié leiers is Leo Maphosa, die voorsitter van die NWU se Verteenwoordigende Studenteraad asook die Studente-kampusraad (SKR) in Mahikeng, Lwazi Nene, SKR-voorsitter in Vanderbijlpark, en Dalena d'Assonville, voorsitter van die SKR in Potchefstroom.
Die drie adjunk-visekanseliers vir kampusbedrywighede, prof Linda du Plessis (Vanderbijlpark), prof Daryl Balia (Potchefstroom) en prof Marilyn Setlalentoa (Mahikeng) het ook die teenwoordiges op hul kampusse toegespreek, wat die dag selfs meer besonders gemaak het.
DIE NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto's of nuusbrokkies.
Ons waardeer julle opinies en insette – die NWU & U behoort immers aan ons almal.
Navigasie
>
<
volgende artikel
vorige artikel
klank
video
meer inligting
klik
deel
X
Voorblad
In 2019 het meer as 9 000 eerstejaarstudente die NWU as hul tuiste weg van die huis af gekies.
NWU & U