Ons waardeer al ons alumni, of hulle nou hul kwalifikasies deur kontak- of deur afstandonderrig verwerf het. Afstandstudente kan dalk “uit die oog” wees, maar hulle is beslis nie uit die hart nie.

Personeel van ons alumnikantoor het dit gedemonstreer toe hulle die Eenheid vir Oop Afstandsleer se gradeplegtigheid en alumnifunksie op 22 Maart 2018 by die Noord-Kaap se Tegniese en Beroepsopleidingskollege in Upington bygewoon het.

Prof Robert Balfour, die NWU se adjunk-visekanselier vir onderrig en leer, het die 100 gaste ná die gradeplegtigheid toegespreek. Hy het met hulle gepraat oor die belangrikheid om ’n hoëkwaliteit-NWU-graad te hê en ’n NWU-alumnus te wees, en vir hulle ’n oorsig oor die jongste ontwikkelings by die NWU gegee.