Voormalige mikrogolfmaaltyd-verslaafdes sloof hulle nou voor ’n warm stoof af en kook ’n hond uit ’n bos uit. Tuisgebakte brood is aan die orde van die dag, en koesterkos is deel van die daaglikse spyskaart.
En vir dié wat voor die grendeltyd reeds maestro’s was … wel, hulle het net beter geraak.
Daarmee in gedagte het die uitvoerende dekaan van die Fakulteit Ekonomiese en Bestuurswetenskappe, prof Sonia Swanepoel, en Esmé Labuschagne, die fakulteit se senior administratiewe beampte, besluit om nuwe of ou resepte wat personeellede van die fakulteit tydens die grendeltyd beproef het, te versamel.
Die doel was om mense se gemoedere ’n bietjie ligter te maak en hulle te help om op die positiewe dinge in die lewe te fokus. Aangesien die meeste mense heeldag tuis is, is die doel van hierdie projek om personeellede te motiveer om verder as hul omstandighede te kyk.
Klik op die beeld regs vir ʼn paar van die resepte wat tydens grendeltyd uitgetoets is en wat die alledaagse met ʼn titseltjie sielevreugde kan opkikker.
Dit lyk of dit ’n pandemie geverg het om ’n klompie van ons ons verskuilde sjef-gene te laat ontdek. Ná vier maande van inperking het dit vir baie van ons kinderspeletjies geraak om heerlike geregte op te tower.
Hoendersop vir die hart
Klik op elke foto om te sien watter resep elkeen ingestuur het en – in sommige gevalle – ook wat hulle gemotiveer het om te begin kook. Al die resepte wat ingestuur is, is in ’n boek opgeneem wat vroeg in Augustus beskikbaar sal wees.
Dr Roland Goldberg,
senior lektor, Bestuurswetenskappe.
Roly se Hillbilly-hoendersop
“Toe die mikrogolfmaaltye en ramen-noedels opgeraak het, het ek besluit om te begin kook.”
Die staat van inperking in Suid-Afrika is vir ons almal ’n uitdaging. Ons het gesien hoe mense hulle werk verloor, besighede toemaak, en ongelukkig ook hoe talle mense hulle lewens as gevolg van die Covid-19-virus verloor. Die uitdaging vir my was egter van ’n ietwat ander aard. Ek moes uiteindelik leer om vir myself te kook. My huispersoneel was ingeperk, en dus moes ek en my Yorkie, Brooklyn, in hierdie moeilike tyd vir onsself sorg.
Ek het besluit om ’n paar gesonde, vullende maaltye te begin kook. Ná ’n paar mislukte pogings om my ma se resepte te volg, het ek besluit om my eie hoendersop te kook, wat een van my stapelvoedsels gedurende die wintermaande is.
Dit was op die ou end die lekkerste hoendersop wat ek nog geëet het. Ek het hierdie resep die Hillbilly-hoendersop genoem, omdat dit “ongekunsteld” en “onverfyn” is – omtrent soos ek regdeur die grendeltyd voel.
Esmé Labuschagne,
Ekonomiese en Bestuurswetenskappe se senior administratiewe beampte, saam met haar man, Pieter.
Maklike kaneelbolletjies
Ek sal altyd die eerste dag van die inperking onthou. Alles was stil – amper té stil. Ek het skielik benoud begin gevoel. Ek moes sien wat aangaan; is daar polisie en soldate op die straathoeke? Is daar iemand daar buite?! Maar ek het tuis gebly, te bang om my neus by die deur uit te steek … asof die virus net verskyn het toe die inperking begin het.
Ek kon eers nie tot rus kom nie. Toe doen ek wat ek die beste kan doen. Ek begin kook – vir wie weet ek nie, aangesien dit net ek en my man in die huis was. Ek het later meer gemaklik geraak met my omgewing en dinge rondom my begin raaksien wat ek nog nooit tevore gesien het nie.
Ek dink die grootste les wat ek geleer het, is om my aftrede saam met my man te geniet, aangesien ons ná maande se inperking nog steeds baie lief is vir mekaar. Die negatiewe … wel my arms en my heupe het ook “gerys”, net soos die deeg van die kaneelbolletjies. En ek mis my kollegas.
“Pasop … dit sal nie net die deeg wees wat rys nie, jou heupe rys ook. Maar jy sal nooit weer ’n kaneelbolletjie koop nie!”
Dr Melissa Jacobs,
senior lektor, Bedryfsielkunde en Mensehulpbronbestuur.
Kerrie-uieslaai
Louise Jansen van Rensburg,
hoërgrade-administrateur, kantoor van die adjunkdekaan vir navorsing en innovasie.
Lamskenkels in rooiwyn
Prof Sonia Swanepoel,
uitvoerende dekaan, Fakulteit Ekonomiese en Bestuurswetenskappe.
Bulgur-koringslaai
Lee Nel,
senior administratiewe assistent, Ekonomiese Wetenskappe.
Kerriebredie
Mariza Richards,
senior administratiewe assistent, Toerismebestuur.
BBQ- gebakte boontjies
Pers koolslaai
Sjokolade Plaatkoek
Wilmé van Heerden,
lektor, Ekonomiese Wetenskappe.
Maalvleis-en-kaas-vulsel vir deeg
Roer ʼn bietjie hart by
