Ná die somberheid van die pandemie sien ek daarna uit om ’n bietjie kleur in die tuin te kry. Dit is veral belangrik terwyl ons nou op vlak 1 van die grendeltyd is en ek dikwels mense sal kan onthaal, of bloot in die buitelug saam met familie sal kan kuier.

Ek het gedurende die winter opgelet dat om plante in die volle son te laat groei, uitdagend kan wees – die wind kan straf wees, veral as die reënval onbestendig is.

Die somer gee ’n mens egter die kans om vooraf ’n bietjie beplanning te doen.

Ek begin altyd met ’n groot huisskoonmaak – raak ontslae van stof en swaar gordyne. Ek werk nie regtig in die tuin nie, maar ek hou van potplante in die huis en ek is besig om hulle aan te vul vir die somer.

Ek het ’n passie vir tuinmaak en my tuin is my vreugde en trots.

Dit is nou die tyd van die jaar dat ’n mens meer tyd buite kan deurbring en daarvoor voorberei. Ek het met ʼn massiewe skoonmaakproses begin. Die swembad het sy skokbehandeling gekry om die water vir die somermaande voor te berei, en ek het kompos in die tuin ingespit en nuwe eenjarige plante in potte geplant – ek is baie lief vir spatsels kleur oral in die tuin. Dit maak ’n mens se gemoed ligter om te sien hoe alles nuwe lewe begin toon en blomme weer begin blom. Dit laat mens die natuur ook weer opnuut waardeer.

Een van my stokperdjies is om met eksotiese eende te boer. ’n Hoogtepunt met die aanbreek van die lente is wanneer hulle hul broei-veredos kry en hul vaal vere in helderkleurige vere verander. Hulle begin ook nesmaak en eiers lê. Ek kan nie wag om te sien wat in die nuwe seisoen gaan uitbroei nie.

Ná hierdie lang inperking en koue winter is daar niks lekkerder en meer vervullend as om die nuwe lewe van die lente oral te gewaar nie.

Hierdie tyd van die jaar is vir my baie spesiaal, aangesien ek ’n diep liefde vir die natuur het.

Wanneer die bome en blomme hul eerste bloeisels van die lente uitstoot en die voëls en die bye terugkeer, wy ek baie van my vrye tyd daaraan om die tuin vir die somer voor te berei. Vir my en my verloofde behels dit verskillende aktiwiteite, soos om die rose en bome te snoei, rypbedekkings te verwyder, en te verseker dat daar ’n deurlopende vloei van water in die tuin se waterfonteine is.

Dit gee ons ook die kans om met ons gemeenskap en ons vriende om te gaan – dit sluit byvoorbeeld gesprekke by ons plaaslike kwekery oor die beste kunsmis in, of ’n vinnige geselsie met ons bure wanneer ons die plante buite natmaak.

Die huis het hierdie tyd van die jaar ’n goeie skoonmaak nodig om al die stof te verwyder wat die Augustuswinde gebring het en om die stofsuier ’n slag goed te laat werk. Dit beteken gewoonlik dat jeans en skoene met kortbroeke en plakkies vervang word, terwyl gasverwarmers en komberse plek maak vir vars blomme wat hul geure regdeur die huis versprei.

Ek vind dat ek in September en Oktober verstom staan oor die natuur. Die klanke en geure bring ’n gevoel van kalmte, terwyl die plant van nuwe saailinge die broodnodige gevoelens van vrede en hoop bring – iets wat ons almal nodig het as ’n mens kyk na alles wat in die wêreld aangaan.