Isagwe ka tiro ya  go ruta le go ithuta

 

Martin a re baakatemi ba tshwanetse go nna le seabe se se botlhokwa sa leano le le ntšha la go ruta le go ithuta le le amogetsweng ke Lekgotla mo ngwageng o o fetileng,

 

"Re tshwanetse go amega thata ka go dira gore baithuti ba nne le se ba se tlhokang. Re tshwanetse go ikemisetsa go tlhama lefelo la go ithuta le baithuti ba kgonang go ithuta ka tshosologo mo go lone le go nna le dikgono tse re batlang gore ba nne le tsone gore ba atlege mo tirong ya bone ya boitshediso mo isagweng."

 

Seno se raya go katisa baithuti gore e nne baeteledipele ba ba nang le maitshwaro a a siameng, ba ba nyoretsweng kitso le go sikara boikarabelo jwa ka fa ba ithutang ka gone.

 

"Batlhatlheledi ba ba atlegang e tla nna ba ba nang le bokgoni jwa go tlhama le jwa tshomarelo fa ba dira le baithuti. Ba tshwanetse go ruta baithuti tsela ya go tlhatlhoba boleng ka kelotlhoko le go rulaganya tshedimosetso go tswa metsweding e e farologaneng le go e dirisa ka katlego gore e kgone go thusa go batla ditharabololo tsa mathata a a raraaneng mo gare ga setšhaba.