NWU doen navorsing wat saak maak

Welkom by 2022 se eerste uitgawe van die Noordwes-Universiteit se navorsing- en innovasienuusbrief, Navorsing@NWU. Dié nuusbrief is 'n vertoonvenster vir navorsingsprojekte, navorsers en verwante gebeure. Hierdie nuusbrief is een van sewe, en word gedurende die jaar aan akademiese personeel en navorsers gestuur.

Nuwe en bekende weë vir NWU-navorsing in 2022

Prof Jeffrey Mphahlele, die NWU se adjunk-visekanselier vir navorsing en innovasie, deel sy gedagtes oor wat in 2022 vir navorsing en innovasie by die NWU voorlê. Dit behels nuwe geleenthede en gebiede wat die universiteit se navorsers kan betree. Hy beklemtoon ook die voortgesette navorsingsprojek by die Sentrum van Uitnemendheid in Koolstofgebaseerde Brandstowwe en die nuwe navorsingsvennootskap tussen die NWU en Waternet.

 KYK NA DIE GESPREK

Misdaad word gestraf, maar wat van rehabilitasie?

Die Suid-Afrikaanse strafstelsel het gefaal, en as gevolg daarvan is misdaad buite beheer. Dit is die harde en ongemaklike werklikheid wat die samelewing moet trotseer, en die land se kwellende misdaadstatistiek getuig daarvan. Een rede daarvoor is die gebrek aan rehabilitasie-geleenthede wat vir oortreders beskikbaar is. Die bekoring daarvan om weer die ou weë te bewandel, kan té aanloklik wees, maar daar is ook 'n fundamentele wanbegrip van die gesistematiseerde struikelblokke wat misdadigers moet hanteer wanneer hulle weer die samelewing betree.

 LEES MEER

#theArtofResearch – maak gesondheidsorg meer toeganklik

Dis geen geheim dat die Hipertensie in Afrika-navorsingspan (HART) by die NWU aan die voorpunt van intensiewe navorsing is nie. Hulle het weer eens oor die afgelope jaar gedemonstreer dat hulle missie is om navorsing te doen wat talle gesondheids-verwante probleme kan oplos wat jonk en oud affekteer. HART-navorsers het onlangs ook deelgeneem aan 'n program, #theArtofResearch, as 'n inisiatief om Afrika-kennis te aktiveer. Hulle het hul navorsing deur middel van plakkate bekendgemaak sodat Afrika-wetenskap vir ons gemeen-skappe meer toeganklik gemaak kan word.

 LEES MEER

Topdienstoekenning vir NWU se sterrekundige

Die Royal Astronomical Society (RAS) van die Verenigde Koninkryk het sy 2022-dienstoekenning vir astronomie aan prof Don Kurtz toegeken. Die RAS sê in 'n verklaring: "Prof Donald Kurtz het 'n lewenslange toewyding aan openbare uitreikprogramme met 'n roemryke navorsings-loopbaan gekombineer." Volgens die RAS het hy openbare aanbiedings op elke vasteland behalwe Antarktika gelewer, en het hy 'n lank bestaande verbintenis om in skole in Afrika onderrig te gee. Prof Kurtz sê hy is verheug.

 LEES MEER

In hierdie studie is die pad vorentoe ongeluksvry

Het jy jou al ooit 'n samelewing ingedink waar daar geen padongelukke is nie? 'n Padomgewing waar motors met mekaar kan skakel en kommunikeer om jou te help om jou besluite op die pad te neem? Wel, dit is onder andere wat dr Thulani Phakathi, 'n PhD-gegradueerde aan die NWU, deur sy doktorale navorsing beoog. Sy studie het gefokus op die gebruik van kubersekuriteitstegnologie om die prestasie van telekommunikasienetwerke en die ontwerp van doeltreffende roeterings-protokolle te verbeter.

 LEES MEER

Bloedparasiete kom al hoe meer by Afrika-wildehonde voor

Volgens dr Edward Netherlands en sy kollegas van die Fakulteit Natuur- en Landbouwetenskappe aan die NWU, is daar onlangs aangetoon dat bloed-parasiete algemeen by die Afrika-wildehondbevolkings voorkom. Hulle studie oor bloedparasiete van spesies van Hepatozoon dui aan dat hierdie parasiete algemeen by die Afrika-wildehond-bevolkings (Lycaon pictus) voorkom. Die studie is as deel van 'n algemene gesondheidsopname van Afrika-wildehonde in die Nasionale Krugerwildtuin uitgevoer.

 LEES MEER

Navorser jaag nuwe probleme oor antieke kulture na

Prof Jaco Gericke het nie 'n ortodokse benadering tot navorsing op sy gebied – antieke kultuur – nie, en in 'n sekere sin het dit soms al teen hom getel. Die gety het egter gedraai, en die feit dat sy werk nie in die hoofstroom van vakkundigheid is nie, kan as 'n voordeel beskou word. Dit het tot 'n gesogte B-gradering gelei.

 LEES MEER

Wagtye in gesondheidsorg kom onder die loep

Om vir mediese behandeling te wag, kan 'n saak van lewe en dood wees. "Wagtye in gesondheidsorg is 'n noemenswaardige probleem wat regoor die wêreld voorkom en het dikwels 'n katastrofiese uitwerking – soos ons tydens die Covid-19-pandemie gesien het," sê Maria van Zyl, 'n dosent in die Skool vir Bedryfsingenieurswese.

 LEES MEER