Ka di 25 Mopitlwe, YBB e ne ya keteka tiro ya maemo a a kwa godimo a go ruta ya batlhatlhedi ba yone ka tiragalo e e neng e tshwerwe ka inthanete. Tiragalo eno e ne e le ya ngwaga le ngwaga ya moletlo wa Diawate Tsa Go Ruta Tsa Maemo a a Kwa Godimo (Teaching Excellence Award [TEA]), e mo go yone batlhatlheledi ba ba gaisang ba bangwe botlhe ba 2020 ba neng ba akgolelwa tiro ya bone ya go boloka tiro ya go ruta le go ithuta e le kwa mankalengkaleng.
>
Dintlha go ya pele ka Diawate Tsa Go Ruta ga Maemo a a kwa Godimo
Boikaelelo jwa TEA ya YBB ke go akgolela batlhatlheledi ba yunibesiti seabe sa bone, boikemisetso, boineelo, le go atlegisa baithuti ka boleng jwa tiro ya maemo a a kwa godimo a go ruta le go ithuta mo dirutweng di le mmalwa tse di farologaneng.
Diawate di ntshiwa ka ditlhopha di le tharo:
- Diawate tsa Go Ruta Tsa Maemo a a Kwa Godimo tse di Tlhagogang (ETEA)
- Awate ya Go Ruta ga Maemo a a kwa Godimo (TEA)
- Awate e e Tlhomologileng ya Maemo a a Kwa Godimo a Go Ruta (DTEA)
Go ne go phutholotswe moseme o mohibidu wa moletlo wa Diawate Tsa Go Ruta Tsa Maemo a a Kwa Godimo o o neng wa gasiwa ka inthanete ka di 25 Mopitlwe. Tobetsa setshwantsho se se fa godimo gore le wena o itumelele tiragalo e e kgethegileng eno.
Morago ga metsotso e le someamane le botlhano, o ka nna wa leba kgaso ya ka tlhamalalo ya bidio ya go itsisiwe ga ba le bane ba ba fitlhileng kwa makgaolakgannyeng a DTEA. Bone ke Mop Roelof Burger (wa Disaense tsa Tlhago le Temothuo), Ngaka Teresa Hattingh (wa Boenjenere), Ngka Elma Marais (wa Thuto) le Ngaka Salome Romylos (wa Thuto).
Morago ga moo, fa batho ba letile ka go shwegashwega pelo, go bidiwa maina a bafenyi ba babedi, e leng Roelof le Teresa, mme ba newa tšhono ya go ntsha ditshwaelonyana tsa bone.
Dikgwetlho tse di kgolo tsa bafenyi ba bagolo
Magoro a tsamaile jang mo kgaisanong
Dikgwetlho tse dikgolo tsa bafenyi
DTEA ya YBB ke kabelokhuno e kgolo go di gaisa tsotlhe e e newang batlhatlheledi ba yunibesiti. Ba ba tlhophetsweng go newa DTEA ,go tlhophiwa maina a bone le go tshitshinngwa gore ba newe awate ya teng fa boleng jwa diphotefolio tsa bone bo sena go sekasekwa ke diphanele tsa tshekatsheko. Morago ga moo diphotefolio tsa batlhophiwa di romelwa go phanele e e kwa ntle ga setheo gore e di sekaseke, morago ga moo motlhophiwa o ema phanele ka lefoko a bo a botsolodiwa ke yone.
Motlhophiwa mongwe le mongwe wa DTEA o sekasekwa go ya ka bokgoni jwa gagwe jo bo tlhomologileng jwa go ruta le go ithuta mo teng ga setheo, le ditheo tsa bosetšhaba le tsa dinaga di sele.
O tshwanelegisiwa ke dilo tse di latelang:
- Katlego e kgolo mo tirong ya go ruta
- Maano a tlhamosešwa ao a a dirisang a tiro ya go ruta le go ithuta
- Mogopolo wa gagwe ka ga tiro ya go ruta le go ithuta e e bontshang kgatelopele ya motlhophiwa ka dinako tsotlhe mo tirong ya go ruta le go ithuta.
- Kgono ya go ruta le go ithuta mo setheong, mo teng ga naga ya rona le kwa dinageng di sele
- Mogopolo wa motlhophiwa ka ga maikutlo a baithuti ka ga se se diregang mo setheong sa thutogodimo
- Go lemoga bokgoni jwa motlhophiwa jwa go etelela pele mo tlhabololong ya kharikhulamo mo legorong le kwa ntle ga lone.
Ka fa magoro a rona a dirileng ka gone
Legoro le le gapileng maemo a ntlha ke Legoro la Thuto ka diawate di le 16. Go bo go latela Legoro la Disaense tsa Tikologo le Temothuo ka diawate di le robonngwe.
Magoro a amogetse palo e e latelang ya diawate:
- Legoro la Disaense tsa Ikonomi le Botsamaisi
diawate di le nne - Legoro la Thuto
diawate di le 16 - Legoro la Boenjenere
diawate di le pedi - Legoro la Disaense tsa Pholo
diawate di le thataro - Legoro la Dithuto tsa Mekgwa ya Batho
diawate di le tharo - Legoro la Disaense tsa Tikologo le Temothuo
diawate di le robonngwe - Legoro la Thutabomodimo
diawate di le tharo - Legoro la Molao
diawate di le tharo
x
DIAWATE
YBB E ATSWA
ba 2020
YBB e itsege ka tiro ya yone ya maemo a a kwa godimo a go ruta, e tlhagisitse bafenyi mo nakong e e fetileng ba Mokgatlho o o ka fa Borwa jwa Aforika wa Thutogodimo wa Go Ithuta le Go Ruta: Awate e e Tlhomologileng ya Tiro ya Maemo a a Kwa Godimo ya Go Ruta – pontsho ya barutabana ba yunibesiti ba ba tlotlegang thata le ba ba tumileng mo Aforikaborwa
Mo dingwageng tse di fetileng, YBB e ne ya newa maemo a go bo e le nngwe ya diyunibesiti tsa tiro e e dirwang ka mabogo a a duleng diatla mo Aforikaborwa mo tirong ya go ruta le go ithuta.
YBB e konela kakgolo eno mo teng ga setheo ka go tlhomamisa gore batlhatlheledi ba ba tlhomologileng le bone ba a akgolwa mo teng ga setheo. Ngwaga mongwe le mongwe, e dira pontsho ya tiro ya maemo a a kwa godimo a go ruta ka go kopa batlhatlheledi go nna le seabe mo TEA ya YBB.
Ba ba di gogang kwa pele
Batlhatlheledi ba le 46 ba yunibesiti ba magoro otlhe a le robedi le ba dirutwa di le mmalwa tse di farologaneng ba ne ba newa diawate tsa 2020. Tobetsa fano go bona lenaane le le feletsang la bafenyi.
Go na le batlhatlheledi ba le babedi ka mo go kgethegileng ba ba dirileng tiro ya boleng jo bo kwa godimo ka tsela e e sa tlwaelegang mo tirong ya go ruta le go ithuta mo dirutweng tsa bone. Mop Roelof Burger le Ngaka Teresa Hattingh ka bobedi ba ne ba newa Awate e e Tlhomologileng ya Maemo a a Kwa Godimo a Go Ruta (Distinguished Teaching Excellence Award [DTEA]), e leng awate e e kwa godimo go di gaisa tsotlhe mo setheong ya baakatemi ba YBB e e newang batlhatlheledi ba yunibesiti.
Mop Roelof wa Sekolo sa Disaense tsa Tikologo le Tlhabololo wa Legoro la Disaense tsa Tikologo le Temothuo. O na le bokgoni jo bo tlhomologileng jwa go ruta le go ithuta mo serutweng sa thuto ya tsa tlelaemete, thuto ya maemo a bosa le go rekota tshedimosetso e le kgakala kwa lefaufaung.
Ngaka Teresa Hattingh ke motlhatlheledi-mogolo le mmenejara wa lenaneothuto wa Sekolo sa Boenjenere jwa Diintaseteri mo Legorong la Boenjenere. O itiretse leina mo nageng ya rona le kwa dinageng di sele ka dirutwa tse di ntšha tsa thuto ya boenjenere jwa diintaseteri.
Polelwana ya konokono fano ke e e reng maemo a a kwa godimo
Mop Dan Kgwadi, motlatsa-mokanseliri, o ne a leboga batlhatlheledi ba ba nang le bokgoni ba yunibesiti kwa YBB. O ne a leboga bafenyi botlhe ba TEA YA 2020 ka ntlha ya tiro ya bone e e tlhomologileng mo ditheong tsa thutogodimo mo Aforikaborwa.
Mop Linda du Plessis, mothusa-mogokgo le mothusa motlatsa-mokanseliri wa dithulaganyo le ditiro tsa Khamphase ya Vanderbijlpark, le ene o ne a akgola bafenyi.
O ne a tlhalosa gore tiro ya go ruta ya ba ba neilweng diawate e tshegetsa boleng jwa leina leo YBB e itiretseng lone, go thusa baithuti go kgona go thapiwa le go tsibogela ditlhoko tsa mo mmarakeng le tsa bosetšhaba tsa thutogodimo.
maemo a a kwa godimo
