DIJO TSE DI MONATE
MENWANA E METALA
BONTLE JWA DITSHWANTSHO TSE DI TAKILWENG
MOROKO WA DITLHALE TSE DI SA BONALENG
Dijo tse di monate
Ria o rata go leka diresipe tse di ntšha, mme o tlhagisa kgatlhanong le go ikanya diresipi dingwe le dingwe fela tsa Facebook. “Fa e sa le totlelelo e sena go simolola, ke ile ka leka bontsi jwa diresipe tseno, mme ke a go bolelela ka re dingwe tsa tsone di tlhoka go tlhabololwa.
Mokgwa ono wa go lekeletsa dikapeo dingwe le go ribolola dilo tse di ntšha ke one o o dirang gore Ria a dirise nako e ntsi a le ka fa boapelong jwa gagwe.
O rata thata go baka senkgwe. “Go dira jalo go nkgopotsa nako ya fa mmemogolo wa me a ne a tle a bake senkgwe sa tege e e botlha,” Ria o gakologelwa jalo, o oketsa ka go re o kgona go dira fela jalo a sa tlhoke go dirisa diura tse dintsi a duba tege.
Menwana e metala
“Ke motho yo o tsogang ka makuku e bile ke nwa kopi ya kofi go sa le gale thata e ke e kgetlang mo tshingwaneng ya me,” o bolela jalo.
E setse e le nakonyana ene le monna wa gagwe e leng Willie ba tlhabolotse tshingwana ya bone gore e nne le dikhontheina tse dintsinyana tsa dimela. Ka tsela eno, tshingwana ya bone e kgona go tshwarelela mme ga e tlhoke tlhokomelo e ntsi.
“Re rata tshingwana ya rona mme moso mongwe le mongwe o tla mphitlhela ke le kwa ntle ke ntse ke bua le dithunya e bile ke epa mo mmung. Mo nakong ya lobaka lwa totlelelo, tshingwana eno e nnile botshabelo jwa me e bile sengwe le sengwe, go simolola ka dilo tse di monate go jewa go fitlha ka dithunya, se lebega se nonne tota. Ke ka gonne ke ile ka di tlhokomela tota!
Bontle jwa ditshwantsho tse di takilweng
Ria o dira ditshwantsho tse di takilweng ka a dirisa pente ya acrylic e bile o ikutlwa a le motlotlo go bo a takile ditshwantsho di le nne tsa King Protea. O ntse a tshwaragane le porojeke eno dingwaga di le pedi pele a e fetsa ka nako ya totlelelo.
Moroko wa ditlhale tse di sa bonaleng
Fa ditiro tsa gagwe tsa letsatsi le letsatsi di ntse di fokotsega, Ria o tshwarega ka go loga pele a ya go robala. Mo lobakeng lwa totlelelo, o logile mesamo e le mmalwa e e tometsweng diphofa. Gape o logetse ditlogolo tsa gagwe tse pedi dikobo.
A re se lebaleng mokgwa o mo ntšha wa go roka o a nang le bokgoni jwa one. O bua a tshega a tlhalosa gore fa a ipoloka a tshwaregile ka tiro, ga a kgone go ja le dijo tse di motlhoswana nako le nako.
Ga twe totlelelo ya lefatshe ka bophara e naya batho nako ya go ntsha bokgoni jwa bone jwa go tlhama fa e sa le ka Ntwa ya Lefatshe II ka gonne batho ba batla ditsela tse di sa tlwaelegang tsa go tsweletsa pele mekgwa ya bone ya boitapoloso, mekgele ya bone ya tiro le dikamano tsa bone le ba bangwe.
Mongwe wa ba ba dirileng jalo ke Ria Booysen, motlhatlheledi-mogolo wa Legoro la Thuto kwa Khamphaseng ya Vanderbijlpark.
Ria a re tsela e batho ba lebanang ka yone le go borega e botlhokwa mo botsogong jwa bone jwa tlhaloganyo. A sa ntse a rialo, o lwantsha go borega e bile o ipoloka a itekanetse sentle mo mogopolong ka go boloka diatla le tlhogo ya gagwe di tshwaregile ka tiro.
“Ke na le dilo di le dintsi tsa go ikentsha bodutu,” Ria o a tshega, a tlhalosa gore gantsi o simolola porojeke ya gagwe ya go ikentsha bodutu ka tlhagafalo e kgolo, a bo a dira halofo ya yone fela a bo a e baya mo khabotong. O ntse a tshwaragane le bo baakanya bothata joo ka nako ya totlelelo ya ga jaanong jaana, ka gonne jaanong o na le nako e a ntseng a e tlhoka ya go feleletsa diporojeke tsa bogologolo a bo a simolola go rulaganyetsa dilo tse di ntšha tsa go ikentsha bodutu.
Banna! O ntse a tshwaregile tota!
Mme fa o ithaya o re ke tsone fela dilo tse Ria a neng a di dira, ene o tlhalosa gore o ile a bo a leka go tsenya setlogolo sa gagwe sa mosimane, e leng Laurence, sekolo sa mo gae, o na le dintša di le tharo tsa mofuta wa Yorkshire terrier le papalagae ya mo Aforika ya Mmala o Mosetlha tse a di tlhokomelang, e bile o akanyetsa go tsenela botaki jwa ditshwantsho tse di bopilweng ka majana a a kgomareditsweng.
Ria yo o tlhaga o baka kuku.
Tobetsa dikonopo tse di ka fa molemeng go ithuta go le gontsi ka ga dilo tse Ria a di ratang thata tsa go ikentsha bodutu: go dira mo tshingwaneng, go baka dikuku, go taka ditshwantsho le go loga.
Fa o le motho yo o sa kgoneng go nna felo go le gongwe fela mme o sa itse gore o direng ka diura tse dintsi tsa totlelelo tse o nang le tsone, goreng o sa ntshe bokgoni jwa gago jwa go tlhama?
Ria o ntsha bokgoni ka nako ya totlelelo
GO THIBELA
GO BOREGA
