Dipholisi mo tirong di botlhokwa thata fa re mekamekana le mathata a go sikara ditlamorago tsa tiro ya rona. Di kaela dikgato tsa ba bangwe, di tlhalosa sentle ditekanyetso tse di lebeletsweng mo badiring le go ba thusa go amogela tsela e e tshwanang le e e utlwalang sentle e setlhopha sa badiri se tsibogileng ka yone mo setheong sotlhe.
leinakgwebo di re dirisa tiro e e tshwanang
Ditlhaeletsano
LE DIPHOLISI TSA
Mo athikeleng eno, re sekaseka ka tsela e e tseneletseng ditlhaeletsano le dipholisi tsa leinakgwebo tse di sa tswang go tlhabololwa tsa YBB.
Louis Jacobs, mokaedi wa ditlhaeletsano tsa kgwebo, a re pholisi e e tlhabolotsweng ya ditlhaeletsano jaanong e kopanya dipholisi di le nne tse di neng di kgaogane mo nakong e e fetileng (malebana le mathata a ditlhaeletsano, dikgatiso mo inthaneteng, mmedia wa botsalano le pholisi ya ba metswedi ya dikgang). Diphelelo tsa seno ke go nna le pholisi e le nngwe e e kopantsweng e badiri le baithuti ba tla kgonang go e fitlhelela motlhofo.
Se pholisi e se akaretsang
Melao ya ba metswedi ya dikgang e e leng mo pholising e ntšha e akaretsa ditsamaiso le dithulaganyo tsa go nna le kamano e e siameng thata le ba metswedi ya dikgang le go rotloetsa leina le YBB e itsegeng ka lone mo setšhabeng.
Louis a re thulaganyo ya mathata a tsa tlhaeletsano ke yone kaelo e e tshwanetseng go latelwa fa go ka tlhaga sekgoreletsi se segolo mo ditirong tsa yunibesiti tse di bakang tshenyo e e tla tsayang lobaka lo lo leele.
"Badiri botlhe le baithuti ba tshwanetse go ngaparela pholisi mo didirisiweng tsa mmedia wa botsalano, ka gonne go nna le ditlolomolao tse dintsi e bile seno se ka nna sa felela ka go tseelwa dikgato-kotlhao."
A re YBB e lemoga botlhokwa le mosola wa tlhaeletsano ka mmedia wa botsalano, e leng sedirisiwa se se maatla thata sa go phasalatsa dikgang mo go botlhe ba ba leng mo yunibesiting. Le fa go ntse jalo, tiriso ya mmedia wa botsalano e tsamaisana le boikarabelo jwa YBB jwa go sireletsa Molaotheo wa naga ya rona le go o tsweledisetsa pele.
Latela dikaelo
"Thulaganyo ya media wa botsalano e na le ditekanyetso le dikaelo di le mmalwa tse di tshwanetseng go dirisiwa ke badiri le ke baithuti fa ba dirisa didirisiwa tsa mmedia wa botsalano mo boemong jwa YBB. Seno gape se ama diakhaonto tsa poraefete le tsa motho ka bongwe tsa mmedia wa botsalano fa se o se dirang se ama YBB," Louis o bolela jalo.
“Gape pholisi eno e amana le dikgatiso tse di leng mo inthaneteng e bile e tlhalosa go nna teng ga YBB mo inthaneteng go tshegetsa tiro ya konokono ya yunibesiti, le go thusa bana le seabe ka ditlhoko tsa bone. Gape e tlhalosa diabe le maikarabelo a bannaleseabe ba ba maleba, mmogo le seabe sa thekenoloji ya tshedimosetso (information technology [IT]).
Letshwaokgwebo ke eng?
Theo Cloete, mokaedi wa go maketa le go tsoma baithuti, a re letshwaokgwebo ke tsela e motho a lebang yunibesiti ka yone mo tlhaloganyong ya gagwe. Mooko wa letshwaotlhaolo la YBB o tlhalosiwa mo dinonofong tse di latelang:
- Akatemi ya maemo a a kwa godimo
- Go nna le seabe mo loagong
- Baithuti ba ba tlhagafetseng
- Baalogi ba ba tshwanelegang
- Go rotloediwa ke mekgwa e e siameng
Bukana e e go kaelang
Pholisi e e tlhabolotsweng e akaretsa tlhaloso ya leinakgwebo le letshwaotlhaolo le leina le YBB e itsegeng ka lone le tiriso ya lone ka go tsenya tirisong bukana ya letshwaokgwebo.
Bukana eno e akaretsa mekgele e e amanang le go ikobelwa ga melawana ya leinatlhaolo, puo ya diatla, tiro ya go tsaya dinepe le dikgopolo tsa bokgoni jwa go tlhama tse di leng botlhokwa thata mo tirong ya bolaodi jo bo siameng le tsamaiso ya yunibesiti. Tsotlhe fela di tshwanetse go bontsha mekgwa ya leinakgwebo go manaanetiriswa otlhe a khomphiutha a di bonwang le go kwadiwa mo go one.
Theo a re melao ya go dirisa leinakgwebo, thekiso ya lone, mekgatlho ya baithuti le dikago tsa bonno, mmogo le go kopanelwa ga leinakgwebo, di akareditswe mo pholising.
Lekgotla le amogela semmuso dipholisi tse di tlhabolotsweng
YBB e tlhabolola dipholisi tsa yone ka metlha gore e tsamaisane le diphetogo le dipatlafalo tsa taolo. Re sa ntse re akantse ka seno, Lekgotla la YBB le amogela semmuso dipholisi di le robedi tse di tlhabolotsweng mo kopanong eno ka di 28 Mopitlwe:
- Pholisi e e tlhabolotsweng ka thotloetso ya badiri ba baakatemi
- Pholisi ya laeborari le ditirelo tsa tshedimosetso
- Dipatlafalo tsa go amogelwa mo setheong ga baithuti ba mananeothuto otlhe a pele ga kalogo a a tlileng go rutwa ka 2019
- Melawana ya mokgwa wa boitshwaro wa maloko a Lekgotla
- Molaotheo wa Kopano ya YBB
- Pholisi ya leinakgwebo
- Pholisi ya ditlhaeletsano
- Melao e e tlhabolotsweng ya Foramo ya Setheo
Theo Cloete ke mokaedi wa go maketa le go tsoma baithuti.
Louis Jacobs ke mokaedi wa ditlhaeletsano tsa kgwebo.