dipharologano tse di kgatlhang tsa botshelo
Botshelo bo na le dipharologano tse di kgatlhang tse di dirang gore e nne jo bo itumedisang. Go bontsha gore e amogela "dipharologano tseno tsa botshelo", bošeng jaana YBB e ne ya keteka dipharologano makgetlo a mararo.
La ntlha, ka di 1 Lwetse, maloko a badiri ba YBB a ne a apara diaparo tse di mebalabala ka Letsatsi la go Ikaparela Fela la setlhogo se se reng "Go Keteka dipharologano le batho ba ba nang le bogole" mme morago ga moo, ba ne ba keteka Letsatsi la Boswa la di 24 Lwetse, ba apere setso.
Sekai se go bonalang e le se segolo sa ka fa dipharologano tsa botshelo di natetshang botshelo ka gone e ne e le Moletlo wa Setso wa ngwaga le ngwaga wa khamphase ya Vanderbijlpark wa ka di 12 Diphalane, o setlhogo sa one sa 2017 se neng se re "Setso sa me se se di gaisang tsotlhe".
Baagi bangwe ba ne ba abelwa ditso dingwe tse di kgethegileng mme batsayakarolo ba ne ba tshwanelwa ke go bontsha setso seo, ngwao le mokgwa wa botshelo. Ditlhopha tse di farologaneng tsa baithuti di ne tsa tsaya karolo mo lenaneong la letsatsi, le go diragatsa metshameko e e tlhagisiwang mo bobogelong le diterama, maboko, go tantsha, pontsho ya fešene ya setso le pontsho ya dijo tsa setso.
Lefapha la Botshelo jwa Baithuti le ne la rulaganya moletlo, mmogo le photefolio ya Diatshe le Setso sa Komiti ya Baithuti ya Khamphase. Lethiwe Kubheka, morulaganyi wa tiragalo eno, a re boikaelelo jwa tiragalo eno ke go dira gore batho ba ratane mo khamphaseng le go abelana tshedimosetso ka ditso tse di farologaneng mo khamphaseng.
.jpg?crc=4080072329)
The library staff on the campus in Vanderbijlpark go all out on Casual Day. At the back from left are Yvonne Engelbrecht, Louise Harmse and Moruanyi Moatswi. In the second row are Glenda Makate, Thoko Tswaile and Paulinah Moroke and in the front row Daniel Monyamane, Tiny Moripa, Thandi Motsoari and Siyabonga Sithole.
Maloko a badiri mo Setšhabeng le mo Setsong mo Potchefstroom a ne a keteka Letsatsi la Boswa ka tlhagafalo. Kwa morago go tswa ka fa molemeng ke Elroy Gelant, Karabelo Motsepe, Alta Fourie, Karen Coertzen, Remonia Kenny, Evalancia Jones, Tumi Tshaka, Lerato Thekiso, Leah Lakay, Dennise van Wyk, Janine Da Gama, Samuel Mmutle, Cornel Visagie le Nadia Botha. Mo moleng o o fa gare ke Rouzenne Slambert, Chrisilla Pretorius, Anne-Marie Cilliers, Lionel Eksteen, Refiloe Sebidi, Sophia Majavu, Yvonne Koloti le Lebo Mmutloane. Fa pele ke Florrie Makaku, Portia Mosiane le Khoro Nematatani.
Pontsho ya dijo tsa setso e ne e le sengwe sa ditlhopha tse mo go tsone baithuti ba neng ba gaisana ka nako ya moletlo wa Letsatsi la Setso mo khamphaseng ya Vanderbijlpark.
Maloko a laeborari mo khamphaseng ya Vanderbijlpark a keteka Letsatsi le go Ikaparela Fela ka tlhagafalo. Kwa morago go tswa ka fa molemeng ke Yvonne Engelbrecht, Louise Harmse le Moruanyi Moatswi. Mo moleng wa bobedi ke Glenda Makate, Thoko Tswaile le Paulinah Moroke mme mo moleng o o fa pele ke Daniel Monyamane, Tiny Moripa, Thandi Motsoari le Siyabonga Sithole.
<
>