Go tsosa dikhuduego mo Aforikaborwa go fetogile lekaelagongwe la lefoko "fall". Khonkerese ya ngwaga le ngwaga ya bo 24 ya Mokgatlho wa Boithutaloago mo Aforikaborwa (South African Sociological Association [SASA]) yone e ne ya dira dilo ka tsela e sele, e ne ya nna le setlhogo sa yone se se reng #WhatMustRise.
e sekaseka go tsoga le go wa ga dikhuduego
Khonkerese ya SASA
Khonkerese eno e ne e tshwerwe ka Phukwi 2017 kwa khamphaseng ya rona kwa Mahikeng, mme e ne ya ngoka bontsi jo bo seng kana ka sepe jwa batho ba naga ya rona le ba dinaga di sele.
Balweladiphetogo ba metseselegae ba tlhokomologilwe
Fa poresidente wa SASA e leng Ngaka Sonwabile Mnwana a ne a tlhalosa setlhogo se se reng #WhatMustRise, o ne a bua ka molweladiphetogo yo o lebetsweng wa metseselegae yo gantsi a sa akarediweng mo puisanong ya bosetšhaba ka bolweladiphetogo. Go ntse jalo mo Aforikaborwa, e e bidiwang "motsemošate wa dikhuduego mo lefatsheng lotlhe".
Mop Dan Kgwadi, motlatsa-mokanseliri, o ne a neela ya ntlha kwa khonkereseng. O ne a patilwe ke Mop Lumkile Lalendle, mokaedi-mogolo wa botshelo jwa baithuti, le Mop Marilyn Setlalentoa, modini-mogolo wa Legoro la Dithuto tsa Mekgwa ya Batho la YBB.
Go gagamalela boipuso
Puo ya ntlha ya tse pedi tsa setlhogo kwa khonkereseng e ne ya neelwa ke moakatemi yo o
itsegeng yo gape e leng motsweretshi e leng Mop Pitika Ntuli. Setlhogo sa puo ya gagwe se ne se re “#ThingsMustFall – Go Gagamalela Boipuso”.
“E re ka #FeesMustFall e ka lejwa e le e e tshwanang le go lwa kgatlhanong le apareteiti le kgaratlho ya morago ga apareteiti, mokgatlho ono wa dikhuduego o tlisitse mefuta e mentšha e e gwetlhang ya makokokganetso," Mop Pitika o bolela jalo.
"Mefuta eno e simolola ka ya go lekeletsa dilo ka go tsaya karolo ga puso ya temokerasi go fitlha ka go direla batho ba mefuta yotlhe ditirelo, e leng se se tsosang potso ya gore a tota re sekasekile ka mo go tseneletseng mekgatlho e e lwelang diphetogo mo Aforikaborwa."
Moakatemi yo o bakwang ke botlhe, e leng Zulumathabo Zulu, e ne e le sebui sa bobedi sa puo ya setlhogo kwa khonferenseng ya dijo tsa maitseboa.
Puo ya gagwe e ne e na le setlhogo se se reng "Go gagamalela boipuso: Dilo tse di tshegetsang Lethathama, Kgopolo ka Kitso le Thekenoloji
Mop Pitika Ntuli e ne e le sebui sa moeng kwa Khonkereseng ya SASA.