Tsepa go
Kgolo ya go
Go kôpisa ke selo se se sa siamang se se golang go nna bothata jo bogolo mo diyunibesiting. YBB le yone e begile palo e e golang ya baakatemi ba ba sa ikanyegeng ba ba kôpisang. Eish! e ne ya bua le Michelle Bownes, mmenejara wa nakwana wa go otlhaiwa ga baithuti le go ikobela melao ga bone kwa YBB, gore seno se ama badiri jang.
Baithuti le go kôpisa
BUISA GO FETA 
Baithuti le go kôpisa
Go kôpisa ke bothata jo bo golang le mo gare
ga baithuti. Carien Campher, mothusi-mogolo wa tsamaiso wa lefapha la Go Otlhaiwa ga Baithuti le go Ikobela Melao ga Bone mo Khamphaseng ya Potchefstroom, a re baithuti ba tlhoka go gakololwa ka bomasisi jwa go kôpisa jaaka tlolomolao mo go tsa akatemi.
Go ya ka Carien, 26% ya dikgetsi tsa dikgato-kgalemo tsotlhe tsa baithuti ba YBB tsa 2015 e ne e le tsa go kôpisa. Seno se tshwenya fela thata ka gonne go na le palogare ya dikgetsi tsa dikgato-kgalemo tsa baithuti ba ka nna 500 ngwaga le ngwaga tse di amanang le go sa ikanyege mo go tsa akatemi.
Mofuta o o tlwaelegileng thata wa go kôpisa wa baithuti ke go kopolola le go kgomaretsa tshedimosetso go tswa mo inthaneteng le mo dintlheng tse go ithutwang tsone tsa dijithale. "Ka sekai, bangwe ba tsaya mokwalo wa Seesemane, ba o fetolela ka Google Translate ba bo ba o dirisa mo dipampiring tsa bone. Seipato sa bone ke gore ba re ba dirisitse bukantswe go tseleganya tshedimosetso eo e bile ke gone ka moo ba e tsayang e le tiro ya bone ka namana. Seno e sa ntse e le go kôpisa."
x
kôpisa