NWU Kunste het tydens die grendeltyd ’n reeks video’s geproduseer om die kunste te vier en om met die beste van ons eie plaaslike talent te spog. Hierdie derde episode, wat deur PUKfm 93.6 se Charonike Nel aangebied word, stel die sanger Ella Codison aan ons voor.

Ella, ’n musiekstudent en musikant by die NWU se Skool vir Musiek, het onlangs die beoordelaars van SA Idols oorrompel en die gesogte goue kaartjie (golden ticket) gewen wat haar reguit na Teaterweek toe geneem het. Sy is ook ’n lid van die NWU-Puk-Koor en die ensemble Under Arrest.