Die digitale Eish! bied nie net baie leesstof nie, maar lyk ook mooi. Dit is danksy die kreatiwiteit van die talentvolle span van Graphikos op die Potchefstroomkampus. In hierdie uitgawe stel Eish! die span bekend wat seker maak dat elke uitgawe ʼn unieke fees vir die oog is.
-u45986.png)
Daar het julle dit:
die digitale Eish! is ontwerp deur ʼn groep mense wat hul werk geniet.
Johan Schutte
As ’n senior grafiese ontwerper is Johan lief vir goeie ontwerp. “Ek streef altyd daarna om dinge beter en slimmer te ontwerp. Dis die detail wat die verskil maak.”
Hannes Visagie
Grafiese ontwerper Hannes sê hy geniet die uitdaging om visueel aantreklike en stimulerende materiaal vir projekte te skep.
Karen Viljoen
Karen, ’n senior grafiese ontwerper, sê dit is vir haar ʼn groot voorreg om elke dag saam met ʼn groep talentvolle kollegas te werk. “Daar heers ʼn wonderlike gees van kameraadskap in die kantoor.”
Santie Pieterse
Santie, ’n senior grafiese assistent, is die ‘Jack of all trades’ in die Graphikos-kantoor. “Gelukkig is ek nie ‘master of none’ nie. Ek help met alles en nog wat, en as ek vasbrand, is daar altyd baie mense in die kantoor wat my kan help.”
Hans Poto
Grafiese ontwerper Hans is ʼn passievolle digitale kommunikeerder en ontwerpstrateeg. “Ek wil ʼn verskil maak deur nuwe maniere te vind om die gaping tussen kommunikeerders en ontvangers toe te maak en terselfdertyd pret daarmee te hê.”