Prof Sonia Swanepoel, adjunk-visekanselier vir gemeenskapsbetrokkenheid en Mahikengkampusbedrywighede

oos ons die einde van 2024 nader, kan ons terugkyk en goeie vordering sien in die manier waarop die NWU sy gemeenskapsbetrokkenheid verder as blote filantropie neem. Ek deel graag hierdie hoogtepunte met u.

NWU Toekennings vir Uitnemendheid

Hierdie toekennings is die bewys van die toewyding van ons personeel en fakulteitslede wat opvoeding beskou as 'n brug na die gemeenskappe wat ons dien en besef dat ons werk die mag het om 'n tasbare verskil in mense se lewens te maak.

Ons Engaged Teaching and Learning Award vereer diegene wat gemeenskapsbetrokkenheid direk in hulle studente-ervaring inbring en geleenthede vir ons studente skep om saam met en van die gemeenskappe rondom hulle te leer op maniere wat 'n blywende indruk laat.

Die Engaged Research and Innovation Award laat die kollig val op navorsing wat verder as die teorie strek en werklike uitdagings aanpak wat ons gemeenskappe ervaar.

Deur die Scholarship of Engagement Award gee ons erkenning aan diegene wat die integrasie van gemeenskapskwessies met akademiese ondersoeke bevorder, en die rol van vakkundigheid beklemtoon deur die samelewing se knellendste vrae te hanteer.

Ons Discipline-based Outreach Award vier die fakulteitslede en personeel wat hulle kundigheid verder as die universiteit laat strek, en hulle kennis en vaardighede aanwend om die gemeenskappe om ons direk te ondersteun en op te hef.

Community Engagement Showcase

Die eerste Commmunity Engagement Showcase is gehou en 93 gemeenskapsbetrokkenheidsprojekte van verskillende fakulteite, departemente en entiteite regoor al drie kampusse is vertoon. Dit sal 'n jaarlikse gebeurtenis word wat oor die kampusse geroteer gaan word.

In haar hoofrede met die titel: "Building and sustaining community partnerships", het Margaret Irvine verskillende teorieë, uitdagings en pragmatiese oplossings verduidelik en studente sowel as eksterne belanghebbers het oor gemeenskapsbetrokkenheid by die NWU nagedink.

Gemeenskapsbetrokkenheidsverslae

Die jaarverslag vir 2023 (380 projekte) en middel-van-die-jaar-verslag (380 projekte) is voltooi en aan Volhoubare Ontwikkelingsdoelwitte verbind.

Gemeenskapsbetrokkenheidsbeleid

Die Gemeenskapsbetrokkenheidsbeleid is hersien en op 13 November 2024 deur die NWU Raad goedgekeur, en die bylae wat die reëls en prosedures verduidelik is deur die Uitvoerende Bestuurskomitee op 20 November 2024 goedgekeur.

Gemeenskapsbetrokkenheidsforum-belanghebbervergaderings

Drie vergaderings met belanghebbers is gehou, een op elke kampus. Die doel van hierdie geleenthede, wat deur die NWU aangebied is, was om die samewerking tussen die universiteit, gemeenskapslede en ander belanghebbers te beskerm om gemeenskapsbetrokkenheidsinisiatiewe te bevorder. Die klem was op gesamentlike pogings, met die universiteit wat as katalisator vir gemeenskapsgedrewe projekte optree. Die sukses van die geleenthede het 'n positiewe basis vir toekomstige inisiatiewe geskep en ons het tans 89 geregistreerde belanghebbers op ons databasis vir gemeenskapsbetrokkenheid.

Mag jy 'n geseënde feestyd hê.

Groete

Sonia