ʼn Dosent van die NWU se Mafikengkampus het met die louere weggestap by die universiteit se jaarlikse prysuitdelingseremonie vir die Institusionele Toekennings vir Onderriguitnemendheid (ITOU).
Dr Liqhwa Siziba van die Fakulteit Geestes- en Sosiale Wetenskappe se eenheid vir akademiese geletterdheid was die wenner in die Toekenning vir Voortreflike Onderriguitnemendheid-kategorie. Sy is die eerste dosent van die Mafikengkampus wat hierdie prestasie behaal.
Die ITOU-seremonie het op Vrydag 8 April tydens ʼn galadinee by Crista Galli in Potchefstroom plaasgevind.
Toekennings is in drie kategorieë gemaak, naamlik die Toekenning vir Opkomende Onderriguitnemendheid (TOOU), die Toekenning vir Onderriguitnemendheid (TOU) en die Toekenning vir Voortreflike Onderriguitnemendheid (TVOU).
Hierdie fakulteite het uitgeblink
Daar was 42 toekennings in totaal. Die fakulteit wat die meeste wenners gehad het, is die Fakulteit Ekonomiese Wetenskappe en Inligtingstegnologie op die Vaaldriehoekkampus, met ses wenners, gevolg deur die Potchefstroomkampus se Fakulteit Lettere en Wysbegeerte en die Fakulteit Opvoedingswetenskappe, met vyf wenners elk.
Die doel van die toekennings
Die toekennings gee erkenning aan uitnemendheid in die voorsiening van onderrig en leer. Die doelwit is om innoverende en uitstaande onderrig op al drie kampusse van die NWU te identifiseer en aan te moedig en dosente se bydraes tot studenteleer te vier.
Die toekennings word gemaak om waardering te toon aan dosente vir hul toewyding en verbintenis tot studentesukses en om akademici aan te moedig om op die gebied van onderrig en leer te ontwikkel.
Die kategorieë
Dit is die tweede jaar dat toekennings in hierdie kategorieë gemaak word. Die ITOU-beleid is in 2013 deur die Senaat hersien en goedgekeur en die hersiene ITOU-proses is in 2014 geïmplementeer.
Die Toekenning vir Opkomende Onderriguitnemendheid (TOOU) beloon opkomende dosente vir uitnemende onderrig. Dit gee erkenning aan dosente wat ʼn langtermynvisie vir hul professionele en loopbaanontwikkeling toon deur middel van uitsonderlike en bewese prestasie wat innovasie in onderrig en leer in hul vakgebied betref.
Die Toekenning vir Onderriguitnemendheid (TOU) word toegeken vir uitsonderlike en bewese prestasies in onderriguitnemendheid. Hulle het innoverende benaderings tot die fasilitering van leer wat studente inspireer en uitdaag. Hul doseermetode moedig wetenskaplike onderrig aan wat lei tot gekontekstualiseerde onderrigbenaderings en strategieë wat leer toeganklik, toepaslik en geldig maak vir studente in ʼn spesifieke dissipline.
Die Toekenning vir Voortreflike Onderriguitnemendheid (TVOU) gaan aan uitsonderlike wetenskaplikes in onderrig en leer. Die toekenning gee erkenning aan dosente vir leierskap en prestasie in die vakkundigheid van onderrig en leer. Uitnemendheid word onderskryf met die toekenning van die TVOU as ʼn aanprysing binne die kategorie van TOU.
Hoe dosente geëvalueer word
Deelnemers moet aan ten minste 80% van die individuele kategorieë se kriteria voldoen. Hulle moet ʼn portefeulje indien as bewys van hul onderrig- en leeraktiwiteite en daar is ook waarneming van ten minste twee leergeleenthede waarvan één onaangekondig is.
Daar word van TOU-deelnemers verwag om by ʼn jaarlikse kampus- of fakulteitsqolloquium aanbiedings te doen oor onderrig en leer.
Hul portefeuljes word geëvalueer deur spanne of panele wat bestaan uit verteenwoordigers van institusionele Akademiese Ontwikkeling en Ondersteuning (AOO) en AOO-onderrigadviseurs van die drie kampusse.
Die portefeuljes van TVOU-wenners word intern sowel as ekstern gemodereer.
Hier is die wenners
NWU vereer sy beste dosente
Die wenners van die Potchefstroomkampus is agter van links dr Mark Rathbone (TOU), prof Gert Breed (TOOU), dr Philip van der Merwe (TOU), prof Jako Olivier (TOU), Kotie Kaiser (TOU) en dr Dawid Serfontein (TOU). In die derde ry is dr Louisemarié Rathbone (TOU), dr Lizelle Brink (TOOU), dr Janet Liebenberg (TOU), dr Tertia Oosthuizen (TOU), dr Robin Dolman (TOU), René Koraan (TOU) en Adéle Jordaan (TOU). In die tweede ry is dr Marlene Wiggill (TOU), prof Lené Jorgensen (TOU), Elsabe Weyer (TOOU), Karin Martens (TOU), prof Christa Rautenbach (TOU) en dr Anri Botes (TOU). Voor is prof Rantoa Letsosa, viserektor vir onderrig-leer, prof Fika Janse van Rensburg, waarnemende kampusrektor, en prof Dan Kgwadi, visekanselier.
Die wenners van die Vaaldriehoekkampus is agter van links dr Chrisna Botha-Ravyse (TOU), Lana Harmse (TOOU), Olive Stumke (TOOU), Naomi du Plessis (TOOU), Anneke Butler (TOU) en Johan Steytler (TOU). Voor is prof Tinie Theron, waarnemende viserektor, prof Linda du Plessis, waarnemende kampusrektor en prof Dan Kgwadi, visekanselier.
Die wenners van die Mafikengkampus is agter van links Abigail Mooketsi (TOOU), Emile Coetzee (TOOU) en Charlene Lanser-Labuschagne (TOOU). In die middelste ry is Estie Gresse (TOU), dr Liqhwa Siziba (TVOU), prof Andrew Maredza (TOOU), prof Yvonne du Plessis (TOU) en dr Washington Dudu (TOOU). Voor is prof Lumkile Lalendle, viserektor vir onderrig-leer, prof Mashudu Maselesele, kampusrektor, en prof Dan Kgwadi, visekanselier.
<
>
Beweeg af
Dr Liqhwa Siziba is die ontvanger van die Toekenning vir Voortreflike Onderriguitnemendheid. Sy sê dis vir haar ʼn groot eer. “Ek het nie hierdie pad alleen gestap nie; ek het nog altyd baie mense se ondersteuning gehad. Ek is dank verskuldig aan my ouers, wonderlike professors, vriende en akademiese mentors. Aan almal wat my motiveer en ondersteun, ek salueer julle.”
Liqhwa sê die toekenning is ʼn herinnering om elke dag harder te werk en op haar studente se leerbehoeftes te fokus. “Dit is vir my ʼn eer om by ʼn klaskamer te kan instap en studente te inspireer om krities oor hul leefwêreld te begin dink.”
Hoewel dit wonderlik is om toekennings te ontvang, is dit vir haar ook al ʼn beloning op sigself om studente te kan help. “Ek is een van daardie gelukkige mense wat elke dag huis toe kan gaan met die wete dat ek ʼn verskil maak in my gemeenskap bloot deur ʼn opvoeder te wees. My grootste beloning is dat ek ʼn dosent mag wees.”
Algehele wenner - Dr Liqhwa Siziba
Toekenning vir Voortreflike Onderriguitnemendheid (TVOU) x
DR LIQHWA SIZIBA,
Geestes- en Sosiale Wetenskappe
Toekenning vir Opkomende Onderriguitnemendheid (TOOU) x
PROF GERT BREED,
Teologie
DR LIZELLE BRINK,
Ekonomiese en Bestuurswetenskappe
MNR EMILE COETZEE,
Geestes- en Sosiale Wetenskappe
ME ZANDRI DICKASON,
Ekonomiese Wetenskappe en Inligtingstegnologie
DR WASHINGTON DUDU,
Onderwys en Opleiding
ME NAOMI DU PLESSIS,
Geesteswetenskappe
ME LUZAAN HAMILTON,
Ekonomiese Wetenskappe en Inligtingstegnologie
ME LANA HARMSE,
Ekonomiese Wetenskappe en Inligtingstegnologie
PROF ANDREW MAREDZA,
Handel en Administrasie
ME ABIGAIL MOOKETSI,
Handel en Administrasie
ME CHARLENE LANSER-LABUSCHAGNE,
Regte
ME OLIVE STUMKE,
Ekonomiese Wetenskappe en Inligtingstegnologie
ME ELSABE WEYER,
Natuurwetenskappe
Toekenning vir Onderriguitnemendheid (TOU) x
DR ANRI BOTES,
Regte
DR CHRISNA BOTHA-RAVYSE,
Ekonomiese Wetenskappe en Inligtingstegnologie
ME ANNEKE BUTLER,
Geesteswetenskappe
DR ROBIN DOLMAN,
Gesondheidswetenskappe
PROF YVONNE DU PLESSIS,
Handel en Administrasie
ME ADRI DU TOIT,
Opvoedingswetenskappe
ME ESTIE GRESSE,
Regte
MNR KOBUS HAVENGA,
Opvoedingswetenskappe
ME ADÉLE JORDAAN,
Lettere en Wysbegeerte
PROF LENÉ JORGENSEN,
Ekonomiese en Bestuurswetenskappe
ME KOTIE KAISER,
Opvoedingswetenskappe
ME RENÉ KORAAN,
Regte
DR ELIZE KÜNG,
Geesteswetenskappe
ME DOROTHY LAUBSCHER,
Opvoedingswetenskappe
DR JANET LIEBENBERG,
Natuurwetenskappe
ME KARIN MARTENS,
Opvoedingswetenskappe
PROF JAKO OLIVIER,
Lettere en Wysbegeerte
DR TERTIA OOSTHUIZEN,
Gesondheidswetenskappe
PROF OLIVIER OLELA OTAFUDU,
Landbou, Wetenskap en Tegnologie
DR LOUISEMARIÉ RATHBONE,
Lettere en Wysbegeerte
DR MARK RATHBONE,
Ekonomiese en Bestuurswetenskappe
PROF CHRISTA RAUTENBACH,
Regte
DR DAWID SERFONTEIN,
Ingenieurswese
DR JOHAN STEYTLER,
Geesteswetenskappe
ME MARIAAN VAN ASWEGEN,
Geestes- en Sosiale Wetenskappe
DR PHILIP VAN DER MERWE,
Lettere en Wysbegeerte
DR DIANA VILJOEN,
Ekonomiese Wetenskappe en Inligtingstegnologie
DR MARLENE WIGGILL,
Lettere en Wysbegeerte