Go kgotlhelela ke selo sa botlhokwa
Kedirang, yo o neng a dira mo lefapheng la tsa badiri kwa Khanseleng ya Patlisiso ka tsa Saense le Intaseteri pele a nna leloko la YBB, a re go kgotlhelela ke go se tlhoboge batho le go rata thata tiro ya gago. A re dinonofo tsa gagwe tse dikgolo ke go kgotlhelela le go berekela go nna le matswela.
"Fa ke ne ke ithuta kwa Yunibesiting ya pele ya Bokone-Bophirima, ke ne ka rutwa go kgotlhelela. "Ke ne ke sena madi a go ithuta mme ke ne ke batla go tlogela. Mmè, yo o neng a nthotloetsa gore ke se ka ka tlogela go gagamalela ditoro tsa me o ne a nnaya kgakololo e e di gaisang tsotlhe.'
O ne a se ka a latlhela seditse mme mo boemong jwa moo, a swetsa ka gore a nne modiri yo o ithutang ka nakwana gore a kgone go duelela dithuto tsa gagwe. A re go ne go se motlhofo e bile go dira jalo e ne e se matsapa a bophiri ka gonne o ne a feleletsa a na le tiro ya boitshediso e e mosola.
BOELA MORAGO
ke selo sa botlhokwa mo Bathong le mo Setsong
Kedirang Oagile a re o rata batho thata e bile a ka bo a nnile morutabana fa a ka bo a sa kgona go tsenela thuto ya boithuta mekgwa ya badiri mo tirong. Ba lelapa la gagwe ke batho ba ba kgethegileng fela thata mo botshelong jwa gagwe. Kedirang le mosadi wa gagwe ke batsadi ba ba motlotlo ba basimane ba babedi le mosetsana.
Supa mo
senepeng
Eish! e bua le Rre Kedirang Oagile, mokaedi-khuduthamaga yo moša wa batho le setso mo
Ofising ya Setheo. Kedirang o re bolelela go le
gontsi ka tsela e a lebang botshelo ka yone le dikgwetlho tsa maemo a gagwe a maša mo tirong
"Fa o naya motho lebaka la go ntsha ga tshwene le godira gore mokgele wa gagwe wa go dira jalo o nnemosola mo go ene, ga go kitla go tlhokega go lelekamotho le fa a le mongwe fela mo tirong ka ntlha ya tiro ya gagwe ya maemo a a kwa tlase tumalanong le boleng jwa mothapiwa le tiro ya gagwe."
Kedirang, mokaedi-khuduthamaga yo moša wa photefolio ya Batho le Setso, e pele e neng e bidiwa Lefapha la Bokgoni Jwa Badiri mo Tirong, a re motho ga a tlhobogiwe.
"Ga go na tsela ya go bona mothapiwa yo o sa direng diphoso dipe. Ke dumela gore motho mongwe le mongwe o na le bokgoni jwa go ntsha ga tshwene. Ke kile ka bona maemo a mo go one batho ba neng ba le gaufi le go lelekwa mo tirong ka ntlha ya tiro ya maemo a a kwa tlase, mme fa boemo jwa bone bo fetolwa ba kgona go semelela le go gakgamatsa bao ba neng ba batla go ba jesa mmereko."
O iphitlhetse a ithutela mekgwa ya badiri mo tirong
Kedirang a re mokgele wa go ithutela tlhabololo ya bokgoni jwa badiri mo tirong e ne e se one wa ntlha o a neng a o batla. Ka ntlha ya go bo a ne a sena madi o ne a sa kgone go ithuta dikhoso kwa diyunibesiting tse dingwe tse di neng di tura thata gape di le kgakala le legae mme a swetsa ka gore a ikwadisetse dikirii ya BAdmin. O ne a ithutela bolaodi jwa setšhaba mme a "ngaparela" thuto ya mekgwa ya badiri mo tirong.
"Ke ne ka kgona go golagana ka bonako le lerato la me la batho le mathata a batho. Ke ne ke lemoga gore go ne go sena tiro e nngwe gape ya boitshediso e ke neng ke e batla. Ke ikutlwa ke kgotsofetse fa batho ba gatela pele le go tlhagisa matswela a a molemo a ke dirileng gore ba a tlhagise. Seno se a nthetebatsa."
Dikgwetlho di tla fenngwa
Kedirang a re o ipaakanyeditse dikgwetlho tse di mo letetseng mo tirong ya gagwe jaaka mokaedi-khuduthamaga. "Kgwetlho e kgolo go di feta e tla nna ya go thusa go bopa setso se se kitlaneng.
"E tlile go nna tiro e e boima tota mme e tla batla gore go nne le dipuisano ka metlha. Seno se raya gore ga re kitla re tlhoka go buisana fela mme gape re tshwanetse go tlhaloganyana mo dilong tse di farologaneng tse re di lebang ka tsela e e sa tshwaneng malebana le setso se se kitlaneng."
"Batho le Setso ba tla nna le seabe se sebotlhokwa go tlhomamisa gore go na le tšhono ya gore go tlhage tsela ya go lebadilo ka mokgwa o o sa tshwaneng le gotlotla ka tsone."
A re gatwe setso se se kitlaneng sa re batho ba tlhaloganya dilo ka tsela e e tshwanang. "Ga lo kitla go tlhaloganyana fa lo sa rulaganyetse go buisana, mme Setso le Batho di dira sentle fa lo buisana."
Jaaka mokaedi-khuduthamaga, seno ke se a batlang go thusa YBB ka sone.
Buka e ke e ratang go feta tse dingwe:
Awaken the giant within by Anthony Robbins. Ke rata dibuka tse di kgothatsang.
Mmino o ke o ratang go feta e mengwe:
Mmino o a intumedisa mme ke rata mefuta yotlhe ya mmino, mme o ke o ratang go e gaisa ke jazz.
Dijo tse ke di ratang go feta tse dingwe:
Ke dumela gore motho ga a tshwanela go tlhopha fa re tla mo dijong, mme ke na le dijo tse di kgethegileng tse ke di ratang tsa setso sa Se-Aforika.
Lefelo la malatsi a boikhutso le ke le ratang go feta a mangwe:
Lefelo le le ntshiametseng la malatsi a boikhutso ke Skukuza kwa Kruger National Park.
Tobetsa go bona dintlha tse di kgatlhang