Se se dirang gore baalogi ba YBB ba thapiwe

Senthara ya Mekgele ya Tiro ya YBB e golotse diphitlhelelo tsa patlisiso ya yone ya ngwaga le ngwaga ya dipalo tsa baalogi ba YBB ba ba thapelwang tiro.

Patlisiso eno e sekaseka dipalo mo patlisisong e e tswelelang pele kgotsa dipalo tsa ba ba thapilweng le go sekaseka gore go thapiwa ga bone go tsamaisana le dithutego tsa bone go le go kana kang. Gape e akaretsa le dikarolo tse di jaaka ditheo tsa konokono tse ba dirang kwa go tsone, tuelo e ba e newang kgwedi le kgwedi le mekgwa ya go batla tiro.

Bernice Smit, mmenejara wa porojeke wa Senthara ya YBB ya Mekgele ya Tiro, a re botlhokwa jwa patlisiso eno ke gore e re naya tshedimosetso e e maleba ka ditiro tse di rileng tse baithuti le badiri ba di thapelwang. A re e dira gore ba kgone go buisana le baithuti, baakatemi le bathapi.

"E re thusa go bona dithutego tse baithuti ba tsone ba itemogelang dikgwetlho, le gore boemo mo mmarakeng wa tiro ga jaanong jaana bo ntse jang. Gape e re thusa go tsenyeletsa tshedimosetso e e tswang kwa bathaping mo thulaganyong ya rona ya go ruta le go ithuta go tlhomamisa gore baithuti ba kgona go thapiwa."

Tseno ke diphitlhelelo tsa patlisiso eno.