X
inhoud
redaksioneel
Beweeg oor die foto's om die span te ontmoet.
Ons leef in 'n tyd van onsekerheid. Die wêreld om ons verander die hele tyd – die wêreldekonomie is allesbehalwe stabiel en die magsbalans tussen die groot moondhede blyk soms op 'n naald se punt te wees.
By die NWU ervaar ons ook onsekerheid. Met 'n nuwe strategie om ons te lei, is ons besig om die strukturele landskap van die universiteit te verander. Rapporteringslyne en rolle kan dalk verander en nuwe werksverhoudinge mag ontstaan.
Tog, ten spyte van al hierdie onsekerheid is daar steeds dinge by die NWU wat onveranderd bly. Mense hou steeds aan presteer en uitblink, soos die navorsers wat vir toekennings by die Nasionale Wetenskap- en Tegnologieforum benoem is en prof Jan Smit wat een van hierdie gesogte pryse gewen het. Lees meer oor hierdie prestasies in die artikel “Bestuurder van NWU-Wetenskapsentrum ontvang ‘Wetenskap-Oscar’”.
Nog 'n voorbeeld is ons program vir aanvullende onderrig wat onlangs internasionale erkenning ontvang het. Die artikel, “NWU blink uit in aanvullende onderrig”, vertel meer daaroor.
Dit is egter nie net die NWU se personeel wat hul oë op die bal hou nie – ons alumni hou aan om bo onsekerhede en moeilike omstandighede uit te styg. In ons alumni-profiel kan julle lees oor twee jong boere wat ten spyte van die droogte steeds plant om die nasie te voed, en onwrikbaar glo dat hulle harde werk in iets wat mooi en bruikbaar is, sal ontkiem.
Die hoëgehalte-inskrywings wat ons vir vanjaar se alumni-toekennings ontvang het, getuig ook van deursettingsvermoë. Om sulke hoogtes te bereik moet mens immers standvastig bly en nie toelaat dat die lewe jou van stryk bring nie. (Hou die volgende NWU & U dop vir die name van die wenners van hierdie toekennings.)
Beskou intussen die onsekerhede van die lewe as uitdagings en pak dit aan met die oortuiging dat julle dit in iets bruikbaars sal omskep.
Lekker lees,
Nelia en die NWU & U-span
Die NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto’s of nuusbrokkies.
Ons waardeer julle opinies en insette – die NWU & U behoort immers aan ons almal.
Klik
deel
<
>
Navigasie
volgende artikel
vorige artikel
klank
video
Meer inligting
Voorblad
Christian Rudman en Oamogetswe Seoto, lede van die vorige Verteenwoordigende Studenteraad van die Potchefstroomkampus is gereed om besoekers by te staan gedurende een van die NWU se voorgraadse opedae wat vroeër vanjaar gehou is. Lees meer oor ons opedae in die artikel: “Opedae maak nuwe deure oop”.
Voorblad
Christian Rudman en Oamogetswe Seoto, lede van die vorige Verteen-woordigende Studenteraad van die Potchefstroomkampus is gereed om besoekers by te staan gedurende een van die NWU se voorgraadse opedae wat vroeër vanjaar gehou is. Lees meer oor ons opedae in die artikel: “Opedae maak nuwe deure oop”.
X
inhoud
inhoud
NWU & U