Batho ba ba ratang go apaya ka maekeroweifi jaanong ba rata go fagela dipitsa mo godimo ga setofo se se mogote. Ba baka senkgwe mo gae letsatsi le letsatsi, e bile ba tsenya mmenyu wa bone dijo tse di dirang gore ba ikutlwe botoka.
Mme ba e neng e le bomankge ba go apaya pele ga totlelelo … dikgono tsa bone di tokafetse le go feta.
Ka ntlha ya seno sotlhe, Mop Sonia Swanepoel, modini-mogolo wa Legoro la Disaense tsa Ikonomi le Botsamaisi, le Esmé Labuschagne, motlhankedi-mogolo wa tsamaiso, o ne a dira tshwetso ya go kokoanya diresipi tsa bogologolo le tse dintšha tse maloko a badiri mo legorong ba kileng ba di leka ka nako ya totlelelo.
Boikaelelo jwa seno e ne e le go dira gore batho ba simolole go ikutlwa botoka mo maikutlong le go dira gore ba tshepe mogopolo mo dilong tse di siameng tsa botshelo. E re ka bontsi jwa batho ba ne ba le mo gae letsatsi lotlhe, boikaelelo jwa porojeke eno e ne e le go rotloetsa maloko a badiri gore ba se ka ba leba fela mathata a ba nang le one.
Tobetsa setshwantsho se se ka fa mojeng go bona dingwe tsa diresipi tse di lekilweng ka nako ya totlelelo – diresipi tse di re tsenyang “botshelo” letsatsi le letsatsi.
Go bonala leroborobo leno le dirile gore bangwe ba kgone go lemoga bokgoni jwa bone jwa go apaya. Morago ga dikgwedi di le nne tsa totlelelo, go apaya go fetogile selo se se motlhofo fela thata se se itumedisang bagolo ba bantsi.
Sopo ya nama ya koko e e tsenyang botshelo
Diresipi dingwe tse di kileng tsa lekelediwa ka nako ya totlelelo ke tseno, tse boikaelelo jwa tsone e leng go tsenya dijo ‘botshelo’ letsatsi le letsatsi. Diresipi tsotlhe tse re di romeletsweng di kokoantswe mmogo go nna buka e e tla gololwang mo masimologong a Phatwe.
Ngaka Roland Goldberg,
motlhatlheledi-mogolo, wa Disaense tsa Botsamaisi.
Sopo ya Nama ya Koko ya ga Roly ya kwa Hillbilly
“E ne ya re ke sena go felelwa ke dijo tse di apewang ka maekeroweifi le ke dinudele, ke ne ka swetsa ka gore ke nako ya go simolola go apaya.”
Totlelelo mo Aforikaborwa e ntse e le kgwetlho mo go rona rotlhe. Re bone batho ba latlhegelwa ke ditiro, dikgwebo di tswalwa mme ka maswabi, le tatlhegelo ya matshelo a le mantsi ka ntlha ya mogare wa Covid-19. Le gale, mo go nna, kgwetlho eno e ne e le ya mofuta o o farologaneng. Ke ne ka tshwanelwa ke go ithuta go ikapeela. Badiri ba lelapa la me ba ne ba le ka fa tlase ga totlelelo le bone, mme ka ntlha ya moo nna le Yorkie le Brooklyn re ne ra tshwanelwa ke go iphataphatela mo nakong e e lekang eno.
Ke ne ka swetsa ka gore e ne e le nako ya go simolola go apaya dijo tse di nang le dikotla tse di tla dirang gore re itekanele. Morago ga go palelwa makgetlo a le mmalwa ke sena go leka diresipi tsa ga Mme, ke ne ka swetsa ka gore ke itirele sopo ya me ya nama ya koko.
Re ne re setse re utlwalelwa ke mariga, mme tseno ke dijo tse ke di jang thata mo dikgweding tsa mariga. E ne ya nna sopo ya nama ya koko e e monate go gaisa tsotlhe tse ke kileng ka di ja. Ke ne ka taya resipi eno leina ka e bitsa Sopo ya Nama ya Koko ya kwa Hillbilly, ka gonne "ga e a raraana” e bile “ga e na ditswaiso tsa segompieno” – e ne e le ka mokgwa o ke neng ke ikutlwa ka one ka nako yotlhe ya totlelelo.
Esmé Labuschagne,
motlhankedi-mogolo wa tsa tsamaiso ya legoro, o na le monna wa gagwe e leng Pieter
Dibanse Tse di Motlhofo go di Dira tsa Sinamone
Ga ke kitla ke bo ke lebala letsatsi la ntlha la totlelelo. Go ne go rile tuu – go batla go sena mokgwasanyana. Ke ne ka ikutlwa e kete ke a hupelwa. Ke ne ke batla go bona gore go ne go direga eng, a go ne go eme mapodisi le masole fa dikhutlong tsa mebila? A go ne go na le batho kwa ntle kwa?! Mme ke ne ka nna mo gae, ke tshogile thata go ka okomela kwa ntle … jaaka e kete mogare o simolotse fa totlelelo e sena go simolola.
Kwa tshimologong, ke ne ke sa kgone go ritibala, mme ke ne ke na le tiro e ntsi. Go tswa foo ka dira sengwe se ke neng ke se itse go di gaisa tsotlhe. Ke ne ka simolola go apaya – ke apeela batho ba ke sa ba itseng, ka gonne e ne e le nna fela le monna wa me mo ntlong. Moragonyana, ke ne ka simolola go tlwaela tikologo ya me mme ka simolola go bona dilo mo tikologong ya me tse ke neng ke ise ke ko ke di bone.
Ke akanya gore thuto e kgolo go di fetsa tsotlhe e ke e ithutileng ke gore ke tlile go itumelela nako ya me le monna wa me morago ga go rola tiro, ka gonne re santse re ratana thata morago ga dikgwedi di le pedi tsa totlelelo. Se se seng monate ... ke gore mabogo a me le dihipi tsa me ‘di kokomogile’, fela jaaka tege ya dibanse tsa sinamone. Gape ke tlhologeletswe badiri-ka-nna.
“Ikele tlhoko ... Go kokomoga ga tsone ga e kitla e nna fela ga tege ya teng mme dihipi tsa gago le tsone di tla kokomoga. Morago ga moo ga o kitla o tlhola o reka dibanse tsa sinamone.”
Ngaka Melissa Jacobs,
motlhatlheledi-mogolo, wa Go Ithuta Boikutlo jwa Badiri mo Tirong le Botsamaisi jwa Lefapha la Badiri.
Salate ya Eie e e Nang le Kheri
Louise Jansen van Rensburg,
motsamaisi wa di dikirii tse di kwa godimo, wa kantoro ya mothusa-modini wa patlisiso le tlhamosešwa.
Leoto la Nku ka Bojalwa jo Bohibidu
Mop Sonia Swanepoel,
modini-mogolo, wa Legoro la Disaense tsa Ikonomi le Botsamaisi.
Salate ya Korong e e Thugilweng
Lee Nel,
mothusi-mogolo ka tsa tsamaiso, ya Diikonomi.
Curry
Chowder
Mariza Richards,
mothusi-mogolo wa tsa tsamaiso, ya Botsamaisi jwa Bojanala.
BBQ ya Dinawa Tse di Besitsweng
Salate ya Khabetšhe e e Phepole
Kuku e e Dirilweng ka Dipapetla tsa Tšhokolete
Wilmé van Heerden,
motlhatlheledi, wa Dithuto tsa Ikonomi.
Senkgwe se se Tometsweng Minsi le Tšhisi
Go di tsenya botshelo ka go di kgabisa
