Tikatikwe ya Saense, e e leng mo kagong ya tsamaiso, e ne ya senngwa ka go jewa ka molelo . Molelo o o neng wa senya bontsi jwa kago o tlhoseditswe fano. BMW eno e ne e le moneelo o o neng wa dirisiwa jaaka sekao sa go bontsha tekeletso. E ne ya lailwa ke molelo gotlhelele.
Ditlamorago tse di sa siamang tsa dikhuduego tsa baithuti: Dikarolo tse dikgolo tsa kago ya tsamaiso mo Khamphaseng ya Mafikeng di ne di senyegile mo go maswe ka nako ya dikhuduego tsa baithuti ka kgwedi ya Tlhakole monongwaga.
Ditlamorago tse di sa siamang tsa dikhuduego tsa baithuti: Dikarolo tse dikgolo tsa kago ya tsamaiso mo Khamphaseng ya Mafikeng di ne di senyegile mo go maswe ka nako ya dikhuduego tsa baithuti ka kgwedi ya Tlhakole monongwaga.
Go baakanngwa ga dikago go
ja dimilione
YBB e ne e le nngwe ya diyunibesiti tse di neng tsa amega mo go botlhoko thata ka nako ya dikhuduego tsa baithuti fa kago ya tsamaiso, kago ya bonno ya batlhokomedi ba baithuti le khafeteria mo Khamphaseng ya Mafikeng di ne di sengwa mo go maswe.
Setlhopha sa setheo sa Tlhabololo ya Dikago le Go Dirwa ga Dipolane tsa Kago jaanong se simolotse ka thulaganyo ya go tlhabolola dikago tse di neng di sentswe ka kgwedi ya Diphalane 2015 le ka kgwedi ya Tlhakole 2016.
Tshenyego ya khefeteria ya baithuti ka di 22 Diphalane e ne ya ja bokana ka R800 000, mme madi ano ga se sepe fa a bapisiwa le mo e ka nnang R85 milione e e tlileng go tlhokega go baakanya dikago tse di neng tsa jewa ke molelo ka kgwedi ya Tlhakole monongwaga.
Tobetsa go buisa go feta
Boemo jwa kago X
Ka lesego, kago yotlhe ya tsamaiso e ne e sa senyega. Dikarolo di le dintsi tsa kago di sa ntse dirisiwa e bile badiri ba bantsi ba boetse ditirong tsa bone.
Joep Joubert, mokaedi-mogolo wa tlhabololo ya dikago le go dira dipolane a re go sa ntse go berekanwa le ditleleimi tsa inšorense gore di amogelwe mme dikarolo tse di senyegileng tsa dikago di tla baakanngwa kgotsa di tla agiwa seša.
Di tla wediwa kwa bokhutlong jwa ngwaga X
PHETLOLELA KWA TLASE
Go ya ka Joep, dipaakanyo di tla wediwa go ela kwa bokhutlong jwa 2016 ka ntlha ya dithulaganyo tsotlhe le go amogelwa ga ditleleimi go go tshwanetseng ga felelediwa pele porojeke e wediwa. "Letlha la bofelo la go wediwa ga tiro eno le tla itsisiwe fa ditleleimi tsa inšorense di sena go amogelwa."
A re re sa ntse re le foo, YBB e kopile tetla ya go tswelela ka kgato ya ntlha ya porojeke ya go aga dikago seša. Kgato eno e ama dipaakanyo tsa dikarolo tsa kago tse di senyegileng go le gonnye fela. Kgato 1 le yone e amana le go thuba le go tlhatlhamolola dikarolo tse di senyegileng tsa kago kwa dikarolong tse dingwe tsa moago.
A re ba solofetse go wetsa kgato ya bofelo ya porojeke eno, e e amanang le go agiwa seša ga dikarolo tse di neng di sa kgone go baakanyega, kwa bokhutlong jwa ngwaga o o tlang.
Ditlamorago tse di sa siamang tsa dikhuduego X
Khamphase e ne ya tswalwa lobaka lwa kgwedi morago ga dikhuduego. E ne ya bulwa ka di 29 Mopitlwe mme jaanong ditlhatlhelelo di tsweletse pele ka tsela ya ka tlwaelo. Go dirilwe dithulaganyo tse di kgethegileng tsa go akaretsa dithuto tse di saletseng kwa morago.