inspireer met pret-aktiwiteite
Indaba
Indaba 2017 sal vir die gemoedelike atmosfeer onthou word. Personeellede wat hier ’n uitbundige oomblik deel is Johanna Müller, kwaliteitsbestuurder vir ondersteuningsdienste, prof Linda du Plessis, adjunk-visekanselier vir beplanning en Vaaldriehoekkampus-bedrywighede, prof Fika Janse van Rensburg, adjunkhoof en adjunk-visekanselier vir toewysbare funksies en Potchefstroomkampus-bedrywighede, Corneels Schabort, dosent in die Fakulteit Ingenieurswese, en GP van Rheede van Oudtshoorn, nagraadse werwer by Bemarking en Studentewerwing.
GP van Rheede van Oudsthoorn en Corneels Schabort het bewys dat kollegas die beste motiveerders kan wees.
Hulle het personeel met humor, kundigheid en pret-aktiwiteite geïnspireer en gemotiveer.
Afgevaardigdes het die geleentheid gehad om in spanne te werk en kreatief te wees deur onder meer
plakkate te maak wat die soort steun illustreer waaroor hulle droom.
Afgevaardigdes het die geleentheid gehad om in spanne te werk en kreatief te wees deur onder meer
plakkate te maak wat die soort steun illustreer waaroor hulle droom.
Corneels Schabort het personeel gevra wat hul drome vir steun by die werk is.
Indaba 2017 het nie net geïnspireer en gemotiveer nie.
Dit het ook ’n geleentheid vir netwerking en sosialisering tydens ’n heerlike middagete ingesluit.
Sommige van die personeel van die kwaliteitsbevorderingskantoor wat Indaba 2017 moontlik gemaak het,
was Mariaan Klopper, Tiaan Boshoff, Tommy Pietersen, Johan Erasmus en Cilna Erasmus.
Ronell Pieterse (nie in die foto nie) het ook gehelp.
Deelnemers moes buite die kassie dink om uitdagings op te los,
soos hierdie een waar ’n bal in ’n spesifieke patroon en in ’n beperkte tyd van een persoon na ’n ander aangegee moes word.
<
>
Die jaarlikse Indaba het 2017 op ’n hoë noot geëindig met prettige aktiwiteite, inspirasie en motivering.
Die Kwaliteitsbevorderingskantoor het in Desember hul sewende geslaagde Indaba by die Fakulteit Ingenieurswese in Potchefstroom aangebied.
Dit sal as ’n unieke Indaba onthou word, aangesien dit aan personeel die geleentheid gegee het om na kundige motiveringsprekers te luister, en ook binne en buite die lesingsaal aan pret-aktiwiteite deel te neem.
Indaba verleen supersteun
Personeel het aan die lippe van hul kollegas, GP van Rheede van Oudtshoorn van Bemarking en Studentewerwing en Corneels Schabort van die Fakulteit Ingenieurswese, gehang.
Albei het sessies gelei wat aanbiedings ingesluit het soos “A dream for support”, “What’s in a name?” en “Exceeding expectations”. ʼn Interessante sessie wat ’n mens aan die dink gesit het, het aan personeel gewys wat jy in spesifieke situasies uit die gedrag van diere kan leer.
“Die grootste uitdaging is om te glo jy het die vermoë om struikelblokke te oorkom. Onthou, jy het ’n rol om te speel en jy kan verwagtinge oorskry,” sê GP.
Wat lê in die naam?
Vir talle deelnemers was ’n hoogtepunt van die Indaba om uit te vind wat hul individuele name beteken en hoe dit hul identiteit weerspieël.
Corneels het beklemtoon dat elke naam betekenis inhou. Die betekenis van elke persoon se naam is op ’n stukkie papier op die agterkant van elke afgevaardigde se naamkaartjie geskryf. Kollegas het treffende verhale gedeel oor hulle lewens en hoe die betekenis van hul name op hul lewens betrekking het. Die boodskap was baie duidelik: elke persoon is uniek en hier vir ’n rede.
Meer as 130 personeellede het die Indaba bygewoon. Johanna Müller, kwaliteitsbestuurder vir steundienste, sê die reaksie wat hulle ná die Indaba van personeel gekry het, was oorweldigend. “Hulle het almal gesê dit was ’n wonderlike geleentheid wat hulle positief en gemotiveerd laat voel het.”