NWU – navorsing wat lewens verander!

Welkom by 2019 se sewende uitgawe van die Noordwes-Universiteit se navorsing- en innovasienuusbrief, Navorsing@NWU. Dié nuusbrief is 'n vertoonvenster vir navorsingsprojekte, navorsers en verwante gebeure. Hierdie nuusbrief is een van sewe, en word aan akademiese personeel en navorsers gedurende die jaar gestuur.

Wanneer harde werk beloon word ...

Een van die NWU se jong navorsers, prof Rose Hayeshi van die Fakulteit Gesondheidswetenskappe, is onlangs deur die South African Young Academy of Science (SAYAS) vereer toe sy as een van hulle nuutste lede ingehuldig is.

Hierdie akademie is die spreekbuis van jong wetenskaplikes in Suid-Afrika en hulle doel is om bydraes te lewer tot die oplossing van nasionale en wêreldwye uitdagings wat die samelewing in die gesig staar.

lees meer

NWU-navorsing gee 'n stem aan kwesbare kinders

Die seksuele misbruik van kinders is 'n droewige werklikheid in Suid-Afrika. Mense sê dat hulle iets sal sê as hulle vermoed 'n kind word seksueel misbruik; talle is seker dat hulle uitbuiting sal herken, en byna niemand glo hulle sou mishandeling laat voortgaan as hulle daarvan bewus is nie. Tog toon statistiek dat een uit drie kinders een of ander vorm van seksuele mishandeling voor hul 17de verjaardag aanmeld.

lees meer

Verpleegkundige leierskap 'n stappie verder geneem

Verpleging is 'n loopbaan wat jou kies, en nie andersom nie. Dit vereis niks minder as passie en onselfsugtige, harde werk nie. Die meeste verpleegkundiges is 'n voorbeeld van hierdie soort toewyding, maar navorsing toon dat daar 'n gebrek aan vaardigheidsontwikkeling ten opsigte van leierskap in hierdie beroep is. Prof Siedine Coetzee se toewyding het haar gemotiveer om hierdie probleem aan te pak.

lees meer

NWU bring Russiese steenkooltegnologie na SA

Water is ’n skaars kommoditeit in die droogtegeteisterde Suid-Afrika. Een gebied waar water bespaar kan word, is met die verwerking van steenkool. Groot hoeveelhede water word gewoonlik in steenkoolwassing gebruik. Daarmee in gedagte het twee ingenieurs van die Skool vir Chemiese en Mineraalingenieurswese vroeër vanjaar Siberië besoek om hul droë steenkool-veredelingstegnologie na Suid-Afrika te bring.

lees meer

Bors is die beste

Borsmelk is bekend daarvoor dat dit 'n supervoedsel is met die krag om immuniteit te bou, en dat dit eienskappe het wat breinontwikkeling bevorder. Wanneer nuwe mammas met vroeggebore babas nie melk kan uitmelk nie, kom menslikemelkbanke (HMB's) tot hulle redding.

lees meer

Unieke navorsing oor Afrikaanse #**! vloekwoorde

Baie mense sal redeneer dat daar niks soos 'n Afrikaanse vloekwoord is wanneer jy regtig iets op die hart het nie. Die Fakulteit Geesteswetenskappe is tans besig met 'n unieke multidissiplinêre navorsingsprojek oor Afrikaanse vloekwoorde en verwante verskynsels.

lees meer

Student met Visekanselierstoekenning vereer

Die NWU het sy heel beste navorsers en innoveerders tydens die visekanselier se jaarlikse toekennings vir navorsing en innovasie-uitnemendheid op 24 Oktober in Potchefstroom vereer. Dit was nie net navorsers wat in die kalklig was nie. Die visekanselier se toekenning vir die belowendste innovasie-idee van 'n student het na Boitshepo Gopano gegaan vir haar onderneming, Eazi Waste Group, wat ook 'n topposisie in die Leopards Lair-sakekompetisie behaal het.

Luister na wat Boitshepo oor die toekenning sê.

Lees meer oor hierdie jaar se toekennings vir navorsing en innovasie-uitnemendheid.

Deel asseblief jou kommentaar en insette deur 'n e-pos aan die nuusbriefredakteur, willie.duplessis@nwu.ac.za te stuur.