5
tse o tshwanetseng go di itse ka go tlhatlhobiwa ga setheo
Go tsweletswe pele ka dipaakanyetso tsa nngwe ya ditiragalo tse di botlhokwa thata mo ditirong tsa akatemi tsa Yunibesiti ya Bokone-Bophirima (YBB): go tlhatlhobiwa ga setheo go go tla dirwang ke ditheo tse di kwa ntle ka Phatwe 2022.
Dintlha di le tlhano ke tseno tse di tshwanetseng go itse ka gone ka tlhatlhobo:
Leba bidio eno go utlwa go le gontsi ka go tlhatlhobiwa ga setheo go go tla direlwang kwa YBB ka Phatwe\ 2022. Eno ke namane e tona ya tiro mme go tsweletswe pele ka dithulaganyo tsa yone.
DINTLHA DI LE TLHANO
eish! e ne ya bua le Ngaka Mariëtte Fourie, mmenejara wa boleng jwa mananeo a akatemi kwa Ofising ya Tokafatso ya Boleng ya YBB, ka ga tlhatlhobo le gore e ama YBB jang. Tobetsa fano go buisa athikele eno yotlhe.
Tobetsa mo godimo ga dinomoro go buisa go feta
Tobetsa fa go buisa go feta ka thuno ya setheo.
Go tlhatlhobiwa ga setheo sa YBB ke nngwe ya ditlhatlhobo di le mmalwa tse di rulaganyeditsweng ditheo tsa thutogodimo ka fa tlase ga boeteledipele jwa Lekgotla la Thutogodimo (CHE), leo bosheng jaana le neng la dira kitsiso ka leanotiro le thulaganyo ya dintlha tse dintsi ka go tlhatlhobiwa ba ditheo.
Yunibesiti e setse e simolotse ka dithulaganyo tsa yone tsa ditlhatlhobo tse di botlhokwa tseno. Ofisi ya Tokafatso ya Boleng, e e etelelang pele dipaakanyetso tsa YBB, e tlhomile ditlhopha tsa tiro ya go tlhatlhoba setheo mme e setse e ile ya tshwara mananeo-katiso a ntlha le mananeo a go tlwaediwa mafulo.
Fa YBB e baakanyetsa go tlhatlhobiwa ga yone, e tshwanetse go romelela CHE pego ya yone ya go itlhatlhoba kwa bokhutlong jwa Motsheganong 2022. Morago ga moo e tla etelwa ke CHE mo tsamaong ya Phatwe 2022.
Gore dithulaganyo tsa go tlhatlhobiwa ga yone di kgone go laolwa, go baakanyediwa le go diragadiwa sentle, go tlhomilwe Komiti e e Etelelang Pele ya Tlhatlhobo ya YBB, e e nang le maloko a a farologaneng a Komiti ya Botsamaisi ya Yunibesiti (University Management Committee [UMC]). Ofisi ya Tokafatso ya Boleng e tla sikara boikarabelo jwa go laola thulaganyo ya go tlhatlhobiwa ga setheo fa go dirwa ditiro tsa setheo.
Mo godimo ga go tlhoma ditlhopha tsa tiro, Ofisi ya Tokafatso ya Boleng e tla tshwara mananeo a katiso ka Lwetse 2021, mme a tla latelwa ke mananeo a katiso le kemonokeng a a tla tsepang mogopolo mo tirong ya go kwala pego ya go itlhatlhoba le go kokoanya bosupi go ralala kgwedi ya Diphalane 2021 le ya Moranang 2022.