eish! e ne ya buisana le mokaedi Des Ayob go utlwa gore lefapha le sireletsa batho le thoto jang.

 

Lefapha la Ditirelo tsa Tshireletso le na le badiri ba le 106 mo dikhamphaseng tsotlhe tse tharo e bile le dira ditiro di le tharo tsa konokono: go tsibogela ga bone maemo le go dira dipatlisiso ka one, molao wa pharakano le taolo ya yone le ditirelo tsa tshireletso.

 

Ba mo tirong 24/7

 

Go ya ka Des, nngwe ya ditirelo tse di botlhokwa go di feta tsotlhe e lefapha leno le tlamelang ka yone ke go ela tlhoko go tsena le go tswa ga maloko otlhe a baithuti le badiri mo dikhamphaseng. “Mafelo a botseno ke one a ntlha a yunibesiti go sirelediwa, mme re tsaya tiro eo masisi fela thata.”

 

O oketsa ka gore lefapha le na le phapositaolo ya diura di le 24 e baithuti le badiri ba ka ikgolaganyang le yone fa go diragetse bokebekwa bongwe kgotsa fa go tlhagile tiragalo nngwe ya maemo a tshoganyetso.

 

Re ba ntlha go tsibogela maemo a tshoganyetso

Lefapha le na le setlhophatsibogo sa ditiro tsotlhe tsa bokebekwa le tsa kalafi mo dikhamphaseng tse tharo. Maloko a setlhophatsibogo ke one a ntlha go goroga mo lefelong la tiragalo, tota le pele go goroga la Ditirelo tsa Sepodisi sa Aforikaborwa kgotsa pele go bidiwa le le thusang ka tsa kalafi.

 

Lefapha la ditirelo tsa Tshireletso gape le na le maloko a a kokoanyang tshedimosetso ka ga gore bokebekwa bo dirilwe ke mang, bofe, goreng, kae le gore leng. Morago ga moo tshedimosetso eno e dirisediwa go romela maloko kwa mafelong a a umakilweng ao bokebekwa bo dirwang thata kwa go one.

 

Fa go dirwa tiro eno, gape go dirwa patlisiso ka dikgang malebana le go otlhaiwa ga baithuti le badiri. “Lefapha la Ditirelo tsa Tshireletso le dira jaaka setlhopha se se diragatsang molao, ga se dire jaaka sa boatlhodi. Re kokoanya bosupi fela,” Des o bolela jalo. Fa go tlhokega, bosupi jono bo romelwa kwa ofising ya boatlhodi ya baithuti kgotsa ya dikamano le badiri.

 

Molao wa pharakano

 

Lefapha le tsenya tirisong melao yotlhe ya pharakano mo dikhamphaseng le go ela tlhoko gore e a latelwa. Badiri ba YBB gape ba ka nna ba kopa lefapha la ditirelo tsa Tshireletso go boloka mafelo mangwe a go phaka dikoloi gore a dirisiwe ke baeng ba ba tswang kwa ntle, Des o bolela jalo.

 

“Gape re thusa ka ditiro tsa dinotlolo fa baithuti kgotsa maloko a badiri a itotleletse kwantle ga diofisi tsa bone, gape re thusa go sekae ka mathata a dikoloi.”

 

Re ikemiseditse go thusa

 

Dinomoro tsa maemo a tshoganyetso tsa Potchefstroom

 Maloko a le mmalwa a magolo a badiri a ipega ka tlhamalalo kwa go Des. One ke tlhogo ya lefapha e leng Jak Jansen van Vuuren, Giel Senekal le Boitumelo Mosikare bao botlhe ba leng kwa Potchefstroom, le bommenejara-bagolo e leng Joseph Ntlati yo o leng kwa Vanderbijlpark le Aubrey Welken, yo o leng kwa Mahikeng.