Competition

Mo kgatisong e e fetileng ya Eish! re go boditse gore o ne o ka tlhopha go nna le bokgoni bofe jo bo sa tlwaelegang.

MAELE A A GAISANG OTLHE:

Kgaisano ya Eish!

TSWEETSWEE ARABA POTSO YA RONA YA PATLISISO FA TLASE MME O LETELE EISH! E E LATELANG. GO BONA DIPHOLO.

A o feditse halofo ya ura o batlana le dinotlolo tsa koloi mo mosong ono, o bo o di fitlhela mo foritšhing mo wena ( ee, wena!) o di beileng gone? Mme fa o le mo tseleng o ya tirong, a o ne wa goeletsa mosadimogolo yo o neng a kgweetsa koloi (e e bonya thata) fa pele ga gago?

Fa go ntse jalo, Ramaele yo o Gaisang Botlhe mo tokololong eno, e leng Bonita Maboeta, mmenejara wa Wellness kwa YBB, o na le maele a a botlhokwa a a ka go thusang. Ka jalo goga mowa go sekae, tobetsa aekhone e e fa tlase mme o buise kgakololo ya gagwe ka dilo tse di go bakelang seterese jaaka go sa itse kwa dinotlolo di leng gone le go tsamaya ka bonya ga pharakano.

Re itsise gore a maele ano a go thusitse. Mme fa e le gore le wena o na le leele le le lengwe kgotsa a mabedi a a gaisang a mangwe otlhe, a romele kwa atereseng ya nelia.engelbrecht@nwu.ac.za, (Fa o batla, o ka nna wa re bolelela gore o dirisitse leng leele leo le o le rometseng le gore o ne o le dirisetsa lebaka lefe.)

P: O ipoloka jang o thuthafetse bosigo?

KARABO YA ME

MAELE A A GAISANG OTLHE

TUMO!

Dipholo ke tse

Bokgoni jwa :
go bala megopolo

ya ba bangwe : 34 %
go sa bonale : 28 %

go fofa: 38 %

Go itshekatsheka go botlhokwa

Iphe nakonyana mme o itshekatsheke. Ipotse gore o leba le go tsibogela jang dilo tse di go bakelang seterese. A o a lemoga gore gantsi re kgona go laola tsela e re tsibogelang ka yone dilo tse di diregang kwa tirong? A o mongwe wa ba ba ratang go tlotla ka dilo tse di seng monate lo eme fa setsidifatsing sa metsi, tse di go bakelang seterese o bo o di tsibogela ka tsela e e sa siamang? Potso e nngwe go e akanyetsa ka kelotlhoko ke e: A o tsibogela dintlha tse di boammaaruri, kgotsa dikgang fela tse di itlhametsweng?

O se ka wa goeletsa

– mo boemong jwa moo bala go fitlha kwa go tharo

Fa o ikutlwa o na le seterese, goga mowa go sekae, bala go fitlha kwa go tharo mme o dige makgwafo. Leka go tshela botshelo jo bo itekanetseng. Iphe nako ya gago o le nosi – tlhokomela pholo ya gago ya mmele le ya maikutlo. Wellness ya YBB e na le mananeo le matsholo a a farologaneng a a jaaka malatsi a boitekanelo, dikokoano tsa go tlhabana botlhale le a go thobiwa maikutlo. Kopa thuso fa o e tlhoka – re iketleeleditse go go thusa.