NUUS
INHOUD
Frederik Louw ontvang sy toekenning van adv Marelize Kruger, lid van die Uitvoerende Komitee van die Konvokasie.
Bert Sorgdrager, voorsitter van die Konvokasie, oorhandig Maggy-Emelia Maliti-Ntshwe se toekenning.
Werner Human, lid van die Uitvoerende Komitee van die Konvokasie, oorhandig die Toekening vir Gemeenskaps-betrokkenheid aan Pieter Twine.
Prof Alta Schutte ontvang haar trofee van Clement Manoko, uitvoerende direkteur vir korporatiewe verhoudinge en bemarking.
Elmarie Myburgh ontvang haar toekenning van Nelson Mongale, lid van die Uitvoerende Komitee van die Konvokasie.
Prof Marilyn Setlalentoa, adjunk-visekanselier vir gemeenskapsbetrokkenheid en vir kampusbedrywighede in Mahikeng, oorhandig die Onderwystoekenning aan Mmahati Mmutlana, wat dit namens haar suster, Prof Mamokgethi Phakeng, ontvang.
Dr Sibusiso Chalufu, uitvoerende direketeur vir studentelewe, oorhandig die Sporttoekenning aan Caster Semenya.
Prof Linda du Plessis, adjunk-visekanselier vir beplanning en vir kampusbedrywighede in Vanderbijlpark, deel die groot oomblik met Nomsa Mazibuko.
Anri van der Linde ontvang ’n trofee namens haar pa, Johan van Rensburg, van prof Daryl Balia, adjunk-visekanselier vir kampusbedrywighede in Potchefstroom.
Ons stel mense in staat om uit te styg
Visekanselier Prof Dan Kgwadi het tydens die toekenningseremonie gesê die onvermoeide toewyding aan uitnemendheid en innovering laat die NWU se hart sterk klop.
“Ons verbintenis tot ons studente was nog nooit so sterk nie. Ons universiteit – julle universiteit – floreer. Ons het onlangs ’n nuwe mylpaal ten opsigte van graderings behaal toe die Times se wêreldranglys vir hoër onderwys aangedui het dat die NWU die vyfde posisie in Suid-Afrika behaal het.”
Die NWU is wêreldwyd tussen 501 en 600 uit die 1 396 deelnemende universiteite geplaas.
Die NWU-alumni is baanbrekers en rolmodelle wat op hulle onderskeie gebiede uitblink. Dit is waarom die universiteit op 11 Oktober tydens ’n toekenningseremonie in Sandton van sy merkwaardigste alumni vereer het.
Die gesogte Alumnitoekennings vir Uitnemendheid het erkenning gegee aan nege prominente alumni wat buitengewone bydraes tot die samelewing, nasionaal en internasionaal, gemaak het.
Hierdie jaar se ontvangers is bekende Suid-Afrikaners wat in ’n wye verskeidenheid beroepe en ondernemings uitgeblink het.
Hulle sluit in ’n musiekpromotor; ’n dinamiese entrepreneur; ’n kampvegter vir gehalte-onderwys; ’n baanbreker wat maatskaplike verantwoordelikheid in aksie wil omskep; ’n invloedryke leier in die onderwys; ’n ervare sielkundige profileerder; ’n gevierde navorser; ’n sportikoon; en ’n dinamiese en veelsydige sosialemedia-beïnvloeder.
Daar was agt kategorieë, waarvan een (gemeenskapsbetrokkenheid) twee wenners gehad het.
Die gesogte NWU Alumnitoekennings is vir die sesde keer aan verdienstelike alumni toegeken.
Vorige ontvangers sluit gerespekteerde Suid-Afrikaners in, byvoorbeeld FW de Klerk, prof Anis Karodia, regter Yvonne Mokgoro, dr Bismark Tyobeka, prof Pieter Stoker, Katlego Maboe, regter Frans Kgomo en prof TT Cloete.
DIE NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto's of nuusbrokkies.
Ons waardeer julle opinies en insette – die NWU & U behoort immers aan ons almal.
Navigasie
>
<
VOLGENDE ARTIKEL
VORIGE ARTIKEL
KLANK
video
MEER INLIGTING
KLIK
DEEL
DIE WENNERS IS:
KUNS EN KULTUUR-TOEKENNING
Johan van Rensburg, musiekpromotor en televisie-aanbieder. (LEES MEER)
SAKELEIERSKAPTOEKENNING
Maggy-Emilia Maliti-Ntshwe, ’n dinamiese entrepreneur. (LEES MEER)
GEMEENSKAPSBETROKKENHEID-TOEKENNING
Frederik Louw, ’n gerespekteerde onderwyser wat gehalte-onderwys bevorder. (LEES MEER)
GEMEENSKAPSBETROKKENHEID-TOEKENNING
Pieter Twine, ’n dinamiese fondsinsamelaar wat maatskaplike verantwoordelikheid in aksie omskep. (LEES MEER)
ONDERWYSTOEKENNING
Prof Mamokgethi Phakeng, ’n invloedryke leier in die onderwys en visekanselier van ’n universiteit in Suid-Afrika. (LEES MEER)
OPENBARE DIENSLEWERING-TOEKENNING
Elmarie Myburgh, ervare sielkundige profileerder vir die Suid-Afrikaanse Polisiediens. (LEES MEER)
NAVORSINGSTOEKENNING
Prof Alta Schutte, NWU-navorser in die stryd teen hipertensie. (LEES MEER)
SPORTTOEKENNING
Caster Semenya, internasionale sportikoon en wêreldrekordbreker. (LEES MEER)
JONG ALUMNUS-TOEKENNING
Nomsa Mazibuko, dinamiese en veelsydige sosialemedia-beïnvloeder. (LEES MEER)