Inhoud

Voorblad

’n Verandering in leierskap, maar nie in gesindheid nie… Prof Fika Janse van Rensburg, wat aan die einde van die jaar aftree, oorhandig die aflosstokkie aan prof Daryl Balia wat hom vanaf Januarie 2019 as adjunk-visekanselier van die kampus in Potchefstroom opvolg.

REDAKSIONEEL

INHOUD

Dis 6 Junie 1977 en ŉ besondere dag vir die jong Leon Joubert. Dis immers nie aldag dat ŉ mens jou vyf en twintigste verjaarsdag op Antartika vier nie...

Skryf gerus en vertel ons waar in die wêreld julle jul bevind en hoe dit met jul loopbane gaan, of skryf sommer oor ditjies en datjies wat julle na aan die hart lê.

Stuur julle briewe na nelia.engelbrecht@nwu.ac.za, faks dit na 086 614 3222 of pos dit aan Nelia Engelbrecht, Korporatiewe Kommunikasie, Noordwes-Universiteit, Privaat Sak X1290, Potchefstroom, 2520.

ONS HOOR GRAAG VAN JULLE!

Vertroue breek die ys

Beste mede-alumni,

Dit was my voorreg om 41 jaar gelede vir prof Pieter Stoker navorsing in Antarktika te doen oor kosmiese strale. Ek het prof Marius Potgieter afgelos wat die jaar voor my in Antarktika was.

Ons het verlede jaar ons 40-jaar-reünie in Gansbaai gehou. Van die 16 spanlede is drie reeds oorlede. Van die oorblywende 13 het 11 van ons die reünie saam met ons gades bygewoon. Drie het vanaf Kanada, die VSA en België gereis om daar te wees en die twee wat nie kon kom nie, woon tans in Nieu-Seeland en die VSA.

Ek het die voorreg gehad om heelwat ander ervarings op te doen, maar niks kom naby hierdie Antarktika-ekspedisie nie! Met behulp van die NWU se alumnikantoor kon ek kontak maak met prof Stoker. Ek deel graag met julle die inhoud van my e-pos aan hom:

Daar was altyd iets wat ek graag vir u wou sê indien ons paaie weer sou kruis:

Ek het destyds slegs Fisika 1 gehad toe u my gekies het om Antarktika toe te gaan. 'n Ruk voor my vertrek (tydens my opleiding by die Fisika Departement) het ek gevra hoe u dit kan waag om iemand soos ek (met slegs Fisika 1) na SANAE te stuur vir hierdie belangrike navorsing. U antwoord was: "Want vertroue wek vertroue. En ek het vertroue in jou".

Ek kan nie vir u sê hoe baie dit vir my beteken het nie. Dit het my deur my hele lewe gedra!

Met daardie woorde van u het u my geseën.

Vriendelike groete,

Leon Joubert

Gansbaai

DIE NWU & U

Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto's of nuusbrokkies.

Ons waardeer julle opinies en insette – die NWU & U behoort immers aan ons almal.

Navigasie

volgende artikel

vorige artikel

klank

video

meer inligting

klik

deel

Dit was die agtiende Suid-Afrikaanse Nasionale Antarktiese Ekspedisie van Januarie 1977 tot Februarie 1978. Links bo breek die skip deur die pakys, en links onder meer die skip vas in ŉ natuurlike hawe om die vrag af te laai. Op die foto regs bo laai hulle die voorraad af en vervoer dit na die SANAE-basis. Onder regs keer die aflosspan ná 14 maande terug huis toe.

ŉ Onvergeetlike en waarskynlik angswekkende dag – vier van die navorsers het in ŉ sneeustorm verdwaal. Hulle was te voet, sowat 16 km van die basis af terwyl dit ŉ ysige -34 grade Celsius was. Ná 13 uitmergelende ure in die sneeustorm is die ‘sneeumanne’ veilig terug by die basis. Hulle is van links William Davis, Charles Whitcomb, Gordon Hardman en Leon.

David le Roux (links) en Leon Joubert, toe hulle 40 jaar gelede op Antartika was.

So stap die jare aan ... Hierdie is ŉ onlangse foto van Leon Joubert (links) en David le Roux. Leon het laat weet dat David, wat al die jare die span bymekaar gehou het, onlangs oorlede is.

Leon staan hier by die neutronmonitor wat hulle by die SANAE-basis gebruik het vir hul navorsing oor kosmiese strale. In dié stadium was die basis reeds meer as 13 meter onder die ys-oppervlak begrawe.

Hierdie foto van die span is geneem net voor hulle terugkeer na Suid-Afrika. Ons briefskrywer, Leon Joubert (in die middelste ry, tweede van regs), sê sover hy weet was almal wat in Antarktika navorsing oor kosmiese strale gedoen het, nagraadse studente wat by die voormalige Potchefstroomse Universiteit vir Christelike Hoër Onderwys fisika of ingenieurswese studeer het.

Altesaam 40 jaar later en duisende kilometer ver van Antarktika af, kuier die navorsingspan saam in Gansbaai. Voor van links is Hein Goldschagg, William Davis en David le Roux. In die middel is Fred Pohl, Leon Joubert en Gerrit Myburgh. In die agterste ry is Dick Raavè, Gordon Hardman, Robin Pitman, Warren Rosewall en Geoff Evans. Die twee oop stoele verteenwoordig die twee spanlede, Hennie van Deventer en Charlie Whitcomb, wat tans onderskeidelik in Nieu-Seeland en in die VSA woon.

NWU & U |