Hloni Putsoane van die Loopbaansentrum, Thembi Chabalala en Ndumi Msebe, albei van die ETDP SETA, en alumniverhoudingepraktisyn Zanele Ngobese woon die loopbaanbemagtigingsgeleentheid by.

Die Alumnikantoor, saam met die Loopbaansentrum, het op 7 Augustus 2019 by ’n loopbaanbemagtigingsdag op die kampus in Vanderbijlpark hierdie “sleutels” aan gegradueerdes oorhandig.

 

Tydens hierdie geleentheid het werksoekers ’n werkswinkel bygewoon waar hulle hul indiensnemingsmoontlikhede ’n hupstoot gegee het deur hul vaardighede in die skryf van CV’s en onderhoudvoering te oefen.

 

Daarbenewens het ’n loopbaan-ekspo vir hulle die geleentheid gegee om netwerke met ’n verskeidenheid sake- en bedryfsverteenwoordigers te vorm.

Alumniverhoudingepraktisyn Zanele Ngobese sê die universiteit bly verbind tot die maatskaplike, akademiese en professionele welstand van sy alumni, wat as een van sy belangrikste groepe handelsmerk-ambassadeurs beskou word.

 

Sy beklemtoon ook die waarde van die praktiese ondersteuning wat studente en gegradueerdes van die Loopbaansentrum ontvang wanneer hulle hulself vir die arbeidsmark voorberei.

 

“Die sentrum bied aan die universiteitsgemeenskap al die hulpbronne wat hulle nodig het om ’n geslaagde oorgang vanaf hul akademiese na hul professionele lewens te maak,” sê Zanele.