DIE NWU & U
Stuur gerus vir ons julle kommentaar, voorstelle en enige ander bydraes wat julle wil lewer, byvoorbeeld foto's of nuusbrokkies.
Ons waardeer julle opinies en insette – die NWU & U behoort immers aan ons almal.
Navigasie
>
<
volgende artikel
vorige artikel
klank
video
meer inligting
klik
deel
NUUS
Personeel en studente het die nuwe manier van onderrig en leer aangegryp en ontvang deurlopende ondersteuning hiermee, onder andere van die Sentrum vir Onderrig en Leer, die Universiteitsbestuurskomitee, die Covid-19-reaksiespan en IT.
Bemagtig alle studente
Hoewel afkampusleer vir die meeste studente ’n aanlyn ervaring is, het die NWU baie moeite gedoen om te verseker dat studente wat tans nie toegang tot tegnologie het nie, ook hul studies kan voortsit. Dit behels die verspreiding van gedrukte leermateriaal en ander hulpbronne aan studente in afgeleë gebiede. (Sien die onderste tekskassie in die linkerkolom.)
Akademiese en ondersteuningspersoneel werk onverpoosd saam om te verseker dat alle studente die geleentheid het om die 2020- akademiese jaar suksesvol te voltooi.
Pas aan by die nuwe normaal
Soos met alle nuwe dinge moes die NWU-gemeenskap die talle uitdagings hanteer wat deur tegniese en ander probleme veroorsaak is. Die Sentrum vir Onderrig en Leer het verskeie kanale geïmplementeer om na dosente uit te reik om hulp, opleiding en advies aan te bied.
Reik ’n helpende hand
Op hierdie manier hanteer hulle die bekommernisse wat te doen het met eFundi-ondersteuning, ondersteuning vir afstandsleerstudente, en ondersteuning vir personeel wat elektroniese media of die afstandsmodaliteit moet gebruik om aanlyn leer te fasiliteer. Hierdie ondersteuning sluit webinare, telefoniese en videohulp, sowel as gedrukte materiaal in.
Namate afkampusleer veld wen by die NWU, het die universiteit beleef dat duisende studente gelyktydig op die eFundi-leerplatform werk en nuwe gebruiksrekords daarstel terwyl die studente hul onderrig voortsit.
Die Covid-19-pandemie het meer as net die daaglikse lewe verander. Dit het ook ’n geweldige impak op onderrig gehad.
Onderrig wêreldwyd en ook in Suid-Afrika sal nooit weer dieselfde wees noudat afkampusleer – wat aanlyn en afstandsleer insluit – die norm geword het nie. Die NWU & U het gaan kyk hoe die universiteit afkampusleer gebruik om sy akademiese aktiwiteite voort te sit.
Prof Robert Balfour
“Ons prioriteit regdeur die Covid-19-krisis is om studente te ondersteun om hul studies voort te sit deur die modaliteite wat die beste by hierdie buitengewone omstandighede pas,” sê prof Robert Balfour, die adjunk-visekanselier vir onderrig en leer.
“Net so fokus die universiteit se beplanning wat ons personeel betref daarop om veilig te bly en om hulle te bemagtig om onderrig vanuit hul tuisomgewings te laat voortgaan.”
IT: durf die onbekende aan
Die NWU se Departement Inligting en Tegnologie (IT) het uit hul pad gegaan om die universiteit vir aanlyn leer voor te berei.
Die IT-direkteur, Boeta Pretorius, sê hoewel hulle reeds goed op pad was om ’n digitale strategie te finaliseer om met die Vierde Industriële Revolusie tred te hou, het die skuif na aanlyn leer hulle gedwing om hul digitale reis te versnel.
“Ons sal nie nou weer agteruit beweeg nie,” sê hy. “Ons het geleer dat digitale transformasie sakemodelle, kultuur, kliënte, bedryfsmodelle en tegnologie raak. Dit is NOU die tyd om voet in die hoek te sit en nie rem te trap nie.”
Hier is ’n paar interessante feite:
INHOUD